Biełaruś ničoha nie straciła, ale pakul i nie vyjhrała ad udziełu ŭ Mytnym sajuzie. Ab hetym zajaviŭ prem'jer-ministr Biełarusi Michaił Miaśnikovič u intervju rasijskamu časopisu «Itohi».
Padvodziačy pramiežkavyja vyniki raboty ŭ Mytnym sajuzie, kiraŭnik biełaruskaha ŭrada adznačyŭ, što Biełaruś, uvajšoŭšy ŭ abjadnańnie, ničoha nie straciła. «My pakul nie stracili, choć i asablivaha vyjhryšu nie bačym. Ale raźličvajem, što kali buduć sfarmavany roŭnyja ŭmovy raboty subjektaŭ haspadarańnia našych krain, vyhada budzie biassprečnaj, — skazaŭ prem'
Pakul vytvorcy troch krain pracujuć u roznych ekanamičnych umovach, padkreśliŭ Michaił Miaśnikovič. «Naprykład, u Rasii stvarajucca pradpryjemstvy, jakija buduć kankuravać niepasredna ź biełaruskimi, toje ž samaje adbyvajecca ŭ Biełarusi, — skazaŭ jon. — Na moj pohlad, lepš abjadnoŭvać namahańni pry rabocie na ŭnutranym rynku našych krain. I my damovilisia z Uładzimiram Pucinym, što pastupova budziem hetyja kankurentnyja ŭmovy vyraŭnoŭvać».
Prem'
Kiraŭnik urada taksama adznačyŭ, što siońnia prablema roźnicy cen na enierhanośbity dla biełaruskich i rasijskich pradpryjemstvaŭ najbolš adčuvalna dla Biełarusi. «Ceny na pryrodny haz u Biełarusi amal u try razy vyšejšyja, čym u Rasii. U takich umovach składana kankuravać na adzinym rynku, — skazaŭ jon. — Jość pytańnie i ab roŭnych umovach padtrymki sielhasvytvorcaŭ. I my padpisali ŭžo adpaviednyja dakumienty, pakłaŭšy ŭ asnovu pryncypy SHA, padzialiŭšy miery dziaržpadtrymki na žoŭtuju i zialonuju karziny i abmiežavaŭšy pamier pramych subsidyj».
Iduć pierahavory ab spynieńni subsidyj i inšym halinam. U biełaruskim uradzie ŭžo raspracavana novaja madel dziaržpadtrymki. «Pryncyp taki, kali dziaržava zacikaŭlena ŭ raźvićci, naprykład aŭtamabilnaj pramysłovaści, my budziem davać pradpryjemstvam padatkovyja abo inšyja lhoty. Ale vyrašacca heta budzie na konkursnaj asnovie. I padtrymku atrymaje tolki toj, chto prapanuje najbolš vyhadnyja ŭmovy realizacyi prajekta i ceny svajoj pradukcyi», — rastłumačyŭ Michaił Miaśnikovič. Pry hetym jon dadaŭ, što ciapier mahčymaści dla pradastaŭleńnia biudžetnych subsidyj u Biełarusi vielmi abmiežavany. «My vymušany źnižać raschody, kab zbałansavać stanovišča na valutnym rynku», — kanstatavaŭ prem'
