U sieradu 13 lipienia Biełaruskirelihijna-hramadski asiarodak u paŭnočnym Łondanie raźvitaŭsia sa svaim šmathadovym siabram na imia Ben — sabakam a. Alaksandra Nadsana.
Ben byŭ uziaty z prytułku ŭviesnu 1994 hoda, na Biełaruskuju katalickuju misiju jaho pryviała s.p. Viera Ryč. Svaim pryjaznym charaktaram jon zapomniŭsia, badaj, kožnamu, chto adviedvaŭ łondanski biełaruski asiarodak za apošnija 17 hadoŭ.
Sumieś charta (hrejchaŭnd) i niamieckaj aŭčarki, ad charta Ben pieraniaŭ palaŭničyja instynkty, budovu cieła dy charaktar «katá ŭ sabačaj skury» ŭ stasunkach ź ludźmi. Ad aŭčarki jon mieŭ pamier, afarboŭku, moc, instynkty vartavoha i pastucha. Niahledziačy na pahroźlivy vyhlad i hołas, Ben byŭ nadzvyčaj dabradušnym sabakam, nikoli nie vykazvaŭ ahresii da ludziej, katoŭ ci inšych sabak. Jaho palaŭničyja instynkty pračynalisia da vaviorak, lisaŭ i trusoŭ. Švorka brałasia ź im na prahułku dziela zaspakajeńnia minakoŭ, a nie dla taho, kab na joj trymać hetaha sabaku.
Ben zaŭsiody imknuŭsia da ludziej, znajomych i nieznajomych, lubiŭ zastavacca ŭ čałaviečaj kampanii. Byŭ vielmi tavaryski ź dziećmi, achvotna vyhulvaŭsia z roznymi ludźmi, u t.ł. haściami biełaruskaha asiarodka, i słuchaŭsia ich kamandaŭ. Choć pryznavaŭ a. Alaksandra Nadsana svaim haspadarom, adnak, vidać, ahułam adčuvaŭ siabie bolš jak «siabra supolnaści», čym čyimści asabistym sabakam.
Mnohich naviednikaŭ biełaruskaha asiarodka ździŭlała, što Ben razumieŭ kamandy na dźviuch movach. Adnojčy dzieci ź Biełarusi, adviedvajučy Skarynaŭskuju biblijateku, pabačyli, jak Ben słuchajecca kamandaŭ
Ben prasłaviŭsia taksama tym, što dobra viedaŭ
Ben pakinuŭ pa sabie nadzvyčaj dobry ŭspamin. Šmat ludziej buduć sumavać pa im.
