Sustaršynia arhkamiteta pa stvareńni partyi «Biełaruskaja chryścijanskaja demakratyja»,eks-kandydat u prezidenty Vital Rymašeŭski zaklikaje mižnarodnuju supolnaść nie vydavać biełaruskim uładam palityčnych biežancaŭ.
Na
Pavodle słoŭ Rymašeŭskaha, biełaruskija ŭłady pieraśledujuć Žukaŭca za toje, što jaho firma zajmałasia vyrabam ahitacyjnych materyjałaŭ apazicyjnych partyj i niedziaržaŭnych arhanizacyj. «Siońnia apazicyjnyja siły znachodziacca ŭ składanym finansavym stanie. Ułady pieraśledujuć tych, chto dapamahaje apazicyi. Ekstradycyja Žukaŭca ŭ Biełaruś stanie tryvožnym zvankom dla tych, chto jašče padtrymlivaje demakratyčnyja arhanizacyi», — ličyć palityk.
Ekstradycyja, pavodle mierkavańnia Rymašeŭskaha, pahražaje i inšym biełarusam, jakija nie majuć aficyjnaha statusu palityčnaha biežanca. Palityk, u pryvatnaści, nazvaŭ kiraŭnika arhkamiteta pa stvareńni ruchu salidarnaści «Razam» Viačasłava Siŭčyka i Juryja Karetnikava, staršyniu likvidavanaj biełaruskimi ŭładami arhanizacyi «Pravy aljans», jakija paśla prezidenckich vybaraŭ minułaha hoda źjechali ŭ Kijeŭ.