Pakul udzielnik maŭklikaj akcyi siadzieŭ u SIZA, na jaho adras prychodzili pozvy z vyklikam na dopyt.
Aktyvist Ruchu «Za svabodu» Juryj Sałodki byŭ zatrymany 3 lipienia na Pryvakzalnaj płoščy ŭ Minsku padčas akcyi pratestu. Jaho asudzili na 13 sutak aryštu, a ciapier, užo paśla vyzvaleńnia, vyklikajuć na dopyt pa inšaj spravie.
Vas vyklikajuć u prakuraturu za abrazu Alaksandra Łukašenki. Na vašuju dumku, jakim čynam vy jaho abrazili i čamu vami zaraz zacikaviłasia prakuratura?
Sałodki: «Nie viedaju, jakim čynam. Administracyjny aryšt u mianie byŭ da 16 lipienia, dva dni ja paradavaŭsia svajmu vyzvaleńniu. A siońnia mnie telefanavali z prakuratury abłasnoj i vyklikajuć na dopyt pa fakcie abrazy prezidenta. Na majo pytańnie, kali ja abraziŭ jaho, pry jakich abstavinach, jany kažuć, što na niejkich sajtach źjavilisia maje vykazvańni, jakija abražajuć prezidenta, jakija prynižajuć jaho hodnaść».
A vy nie viedajecie, što heta za vykazvańni?
Sałodki: «Ja nie pamiataju za apošni miesiac, kab ja niejak abraziŭ prezidenta. Toje, što ja kažu zaŭsiedy: pra niezakonnaść abrańnia, pra samaabrańnie — heta viadoma…».
Vas tolki praz telefon vyklikali ci niejkaja aficyjnaja papiera pryjšła?
Sałodki: «Na adras tam, dzie ja zarehistavany, prychodziła šmat pozvaŭ, navat kali ja siadzieŭ u žodzinskim SIZA, prychodziła 5 ci 6 prapanovaŭ pryjści na dopyt, ale ja nie moh, kaniešnie, źjavicca. I jany mnie patelefanavali siońnia».
Vy pajedziecie na hetuju sustreču z prakuraturaj?
Sałodki: «Tak. Ja zaraz jedu na sustreču sa svaim advakatam, my parazmaŭlajem na hety kont, što i jak rabić. Dumaju, što ja pajedu, bo niama nijakich padstavaŭ ličyć, što ja vinavaty».
Ci vašyja rodnyja ciapier adčuvajuć niejki cisk?
Sałodki: «Tak. Kali ja byŭ aryštavany, milicyjanty prychodzili dadomu pytalisia ŭ baćkoŭ, ci ja pju, ci ŭžyvaju narkotyki, ci niama ŭ mianie drennych siabroŭ. Toje ž pytalisia na majoj pracy, u majho dyrektara, tolki pradstavilisia jak supracoŭniki KDB. Kazali, što heta budzie nie apošni zvanok».
