U Biełarusi stvarajecca novy vahonaramontny zavod 2

Homielski vahonaramontny zavod imia M.I.Kalinina Biełaruskaj čyhunki (BČ) i Krukaŭski vahonabudaŭničy zavod (Ukraina) vystupili zasnavalnikami novaha pradpryjemstva — ZAT «Homielski vahonabudaŭničy zavod».

Jak paviedamili ŭ pres-słužbie BČ, sumiesnaje pradpryjemstva budzie stvorana na bazie vahonaramontnaha zavoda ŭ Homieli da 1 śniežnia 2011 hoda. Pavodle damoŭlenaściaŭ, ukrainskaje pradpryjemstva inviestuje 1,46 młn. dołaraŭ u statutny kapitał novaha zavoda. Takim čynam, dola ŭkrainskaha boku ŭ SP na pieršapačatkovym etapie składzie 15%, astatnija 85% buduć naležać BČ.

Sumiesnaje pradpryjemstva budzie vypuskać usie typy pasažyrskich vahonaŭ. Ukrainski zavod budzie pastaŭlać kuzavy i cialežki, a homielski — zojmiecca interjeram i kančatkovym budaŭnictvam vahonaŭ. Płanujecca taksama pieranos vytvorčaści šerahu vyrabaŭ z Ukrainy ŭ Biełaruś.

Pavodle raźlikaŭ śpiecyjalistaŭ, novy zavod pavinien poŭnaściu zadavolić patrebnaści BČ u pasažyrskich vahonach. U adpaviednaści ź dziaržprahramaj raźvićcia čyhunačnaha transpartu na 2011–2015 hady ŭ nastupnyja piać hadoŭ BČ nabudzie 182 pasažyrskija vahony. Pradukcyju biełaruska-ŭkrainskaha SP taksama płanujecca pastaŭlać u krainy SND i Bałtyi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH