Situacyja ŭ Biełarusi stanie adnoj z tem
Trynaccatyja Kansultacyi na čale z kancleram Anhiełaj Mierkiel i prezidentam Rasii Dźmitryjem Miadźviedzievym pačnucca ŭ paniadziełak uviečary, a skončacca ŭ aŭtorak udzień. Jak paviedamili krynicy ŭ Bierlinie, padčas sustrečy ŭ Hanoviery buduć padpisanyja kala dziesiaci kantraktaŭ.
Siarod temaŭ mižnarodnych pieramovaŭ budzie taksama «mahčymaść sumiesnaha cisku na prezidenta Alaksandra Łukašenku, kab jon vyzvaliŭ palityčnych źniavolenych», — skazaŭ žurnalistam pradstaŭnik fiederalnaha kanclera, jaki pažadaŭ zastacca nienazvanym. Jon dadaŭ, što rasijskija lidary mohuć vykarystoŭvać svaje kantakty z režymam Łukašenki, kab dać jamu zrazumieć, što «jaho padychod da pravoŭ čałavieka i demakratyi — heta nie šlach u budučyniu», — paviedamlaje PAP.
