Na fotazdymak karespandenta NN z apošniaj maŭklivaj akcyi pratestu vypadkova trapili słužbovyja śpisy «ludziej u cyvilnym».
Nieviadomy hieroj u cyvilnym trymaje nieprykmietnuju papierku.
Vykadroŭka sa zdymku vydaje, što heta častka śpisu supracoŭnikaŭ, zadziejničanych na akcyi 13 lipienia.
Na vykadroŭcy sa zdymku bačna, što heta śpis dla ŭnutranaha karystańnia z usimi zadziejničanymi «supracoŭnikami ŭ cyvilnym». Jon pralivaje śviatło na datyčnaść nieviadomych asob u cyvilnym, jakija ŭdzielničajuć u razhonach maŭklivych akcyj pratestu, da pravaachoŭnych orhanaŭ. Śpis maje niekalki padziełaŭ: «Pozyvnoj» — paradkavy numar, pa jakim u radyjoefiry možna vyklikać supracoŭnika, na dastupnym da ahladu liście śpis skančajecca na ličbie «118», «F.I.O.», «ROVD» — u hetaj hrafie źmieščany proźviščy i datyčnaść supracoŭnika da taho ci inšaha RUUSa. Miž inšym, u hetym słupku jość i pustyja radki, «Raspołožienije» — u hetym słupku pišacca vulica i numar doma, dzie na čas akcyi «pracuje» rabotnik. Na niekatorych jość paznaka «riezierv». Infarmacyja ź inšych słupkoŭ na zdymku akazałasia nie dastupnaj. Vierahodna, što takija «śpisy» nieabchodny dla bolš apieratyŭnaj kaardynacyi dziejańniaŭ supracoŭnikaŭ u cyvilnym na akcyjach maŭklivych pratestaŭ.
Svabody słova i schodu ŭ Biełarusi harantujucca kanstytucyjaj, ale na praktycy hramadzianie nie majuć hetych bazavych dla narodaŭładździa pravoŭ.