- a ciahniki śpiašajucca i pralatajuć stancyju,
horad maŭčyć naściarožana i naziraje z masta.
pomniš, jak pieršyja miesiacy jon sustrakaŭ ich tancami,
potym pravodziŭ pieśniami, potym zusim pierastaŭ.
davieraśnioŭskaja liryka nie dažyvie da kastryčnika,
koratka ŭ prozu pastryhšysia suchim kalandarnym listom.
stanie minułaje vyrakam, dobraje zrobicca ryzykaj —
prymieš usio, jak zvykłaje, budzieš pisać u stoł.
z hetkaj kiepskaju zvyčkaju lohka zrabicca cynikam —
zrešty, curacca niečaha — heta cynična nie mienš.
kinieš vychodzić na vulicu. vulica stanie zaśmiečanaj.
ty zadavolišsia vynikam, vieršyk niaŭciešny składzieš.
vosieńskija vakacyi projduć u paniaviercy.
u niebie biezdapamožna lotaŭ apošni anioł.
pomniš, jak pierad staraściu jon ratavaŭ ich śmierciu.
potym nie atrymałasia. potym i sam pamior.
0
0
0
0
0
0