U intervju radyjo «Svaboda» staršynia Jeŭrapiejskaha parłamientu skazaŭ pra niepaźbiežnaść palityčnych źmienaŭ u Biełarusi i padkreśliŭ, što dźviery ŭ Jeŭrasajuz zastajucca adčynienyja dla krainaŭ Uschodniaj Jeŭropy.
Na dumku Ježy Buzka, uviedzienyja Jeŭrasajuzam sankcyi ŭ dačynieńni da pradstaŭnikoŭ aficyjnaha Minsku nie prynieśli vyniku. Adnak, na dumku palityka, «vialikija i hłybokija pieramieny» ŭ Biełarusi zusim «nie za harami»: režym u Minsku moža abrynucca hetak ža chutka, jak režymy ŭ Tunisie i Jehipcie padčas sioletniaj «arabskaj viasny»:
«Ja nie baču niejkich vynikaŭ adrasnych sankcyj. Ja nie baču nijakaj źmieny ŭ pavodzinach biełaruskaha režymu. Ale heta zusim typova, bo nikoli nieviadoma, kali režym pačnie abvalvacca.Bo heta moža adbycca za dva abo try tydni. My možam skazać, što hod nazad nichto nie moh spadziavacca, što ŭ Paŭnočnaj Afrycy budzie adbyvacca toje, što my bačym ciapier. Nichto takoha raźvićcia nie čakaŭ, i raptam usio zdaryłasia. Absalutna toje samaje budzie ŭ vypadku Biełarusi».
0
0
0
0
0
0
