Papa Rymski Bieniedykt XVI pryznačyŭ arcybiskupa Kłaŭdyjo Hudžeroci apostalskim nuncyjem u Biełarusi,paviedamiŭ adkazny za ŚMI pry sakrataryjacie Kanfierencyi katalickich biskupaŭ u Biełarusi ksiondz Jury Žeharyn.
Raniej hety ijerarch zajmaŭ pasadu apostalskaha nuncyja Hruzii, Armienii i Azierbajdžana. Hetaja pasada dypłamatyčnaja. Nuncyj - dypłamatyčny pradstaŭnik Papy Rymskaha ŭ jakoj-niebudź krainie, ź jakoj u Vatykana jość dypłamatyčnyja adnosiny. Da Hudžeroci ŭ Biełarusi dyppradstaŭnikom Vatykana byŭ arcybiskup Marcin Vidavič - charvat pa pachodžańni.
Ciapierašni vatykanski pradstaŭnik - arcybiskup Kłaŭdyjo Hudžieeroci - naradziŭsia 7 kastryčnika 1955 hoda ŭ italjanskaj Vieronie. Byŭ paśviečany ŭ san ŭ traŭni 1982 hoda. Hudžeroci skončyŭ fakultet ŭschodnich moŭ pry Vieniecyjanskim dziaržuniviersitecie, a taksama atrymaŭ stupień mahistra navuki śviatoj liturhii pry Papskim liturhičnym instytucie śviatoha Anzelma ŭ Rymie. U 1985 hodzie jon pastupiŭ na słužeńnie ŭ Apostalskuju stalicu ŭ Kanhrehacyju pa spravach uschodnich cerkvaŭ.
