U Biełarusi zakryty dla kupańnia 22 vadajomy, u piaci vadajomach uviedzieny abmiežavańni na kupańnie dziaciej.
Pra heta paviedamiła zahadčyca adździaleńnia kamunalnaj hihijeny Respublikanskaha centra hihijeny, epidemijałohii i hramadskaha zdaroŭja Iryna Žaŭniak 15 lipienia na
Usiaho ŭ Biełarusi funkcyjanujuć 567 aficyjnych plažaŭ. Sanitarnyja słužby zabaranili vykarystańnie siami zon adpačynku ŭ Bresckaj vobłaści: plažaŭ na vadajomie pablizu ad dziciačaha azdaraŭlenčaha łahiera «Čajka» (Lachavicki rajon) i sanatoryja «Nadzieja» (Žabinkaŭski rajon), kala raki Ščara ŭ vioscy Darava Lachavickaha rajona, kala raki Viedźma ŭ Lachavičach, kala voziera ahraharadka Chmieleva Žabinkaŭskaha rajona, a taksama kala raki Čakva vioski Rubiel Stolinskaha rajona i vadaschovišča Žabier Drahičynskaha rajona.
Siem zon adpačynku zakryty dla kupańnia ŭ Połackim rajonie Viciebskaj vobłaści: kala azioraŭ Homiel, Ščaty, Janava, Suja, Lasnoje, Školnaje (u vioscy Bykoŭščyna) i Skobraje (vioska Kazimirava).
Zabaroniena vykarystoŭvać šeść zon adpačynku ŭ Homielskaj vobłaści: plaž «Unikam» kala raki Dniapro ŭ Žłobinie, voziera Śviatoje ŭ Rahačoŭskim rajonie, akvatoryi na levym bierazie raki Prypiać u Mazyrskim rajonie ad aŭtamosta da rečyšča raki Mierlavica i ŭ rajonie rekreacyjnaj zony sanatoryja «Sosny», a taksama azior Virskaje i Syrskaje Mazyrskaha rajona.
U Mahiloŭskaj vobłaści vyniesiena zabarona na kupańnie ŭ race Daŭžanka (vioska Doŭhaje Kličaŭskaha rajona) i voziery Aŭsianka (Horacki rajon).
Kupańnie dziaciej nie rekamiendujecca ŭ voziery Jubilejnaje ŭ Hrodnie; u Homielskaj vobłaści — u voziery Kamaryna i na haradskim plažy Dniapra ŭ Rahačovie, a taksama ŭ voziery Śviatoje; u Viciebskaj vobłaści — u karjery Ščacinka ŭ Oršy i Aršanskim rajonie, race Dniapro ŭ miežach Oršy. U hetych vadajomach pieravyšeńnie ŭtrymańnia bakteryj vyjaŭlena adzin raz.
Jak zaznačyła Žaŭniak, situacyja z zabaronaj na kupańnie sioleta praktyčna nie adroźnivajecca ad letašniaj. Pakolki kolkaść bakteryj pavialičvajecca ŭ ciopłaje nadvorje, śpiecyjalisty prahnazujuć, što z nastupleńniem śpiakoty pieralik vadajomaŭ, zakrytych dla kupańnia, pavialičycca.
Hramadzianie, jakija parušajuć zabaronu na kupańnie, ryzykujuć zarazicca kišečnaj infiekcyjaj, asabliva kali vypadkova zahłytnuć vadu. U suviazi z hetym śpiecyjalist padkreśliła: vada ŭ adkrytych vadajomach nie pryznačna dla pićcia, u joj taksama nie varta myć ruki i sadavinu.
Miž tym Žaŭniak paviedamiła, što suviazi pamiž vypadkami zaražeńnia kišečnymi infiekcyjami i kupańniem sioleta, jak i letaś, u Biełarusi nie vyjaŭlena.
