Lidar
«Ciarpieńnie ŭ našaj partyi skančajecca. Šalenstva — praciahvać zatrymlivać ludziej za toje, što jany plaskajuć! Chaj mianie pačujuć ułady: treba heta spyniać», —zajaviŭ palityk u intervju ahienctvu
Jon pryznaŭ, što sam pakul nie braŭ udzieł u «maŭklivych akcyjach», choć jaho adnapartyjcy prymali. «Treba razumieć, što moj vychad znakavy. Ja na miažy.
Kali ja vyjdu — nie abydziecca sotniaj čałaviek. Sa mnoj tolki ź Minska pojdzie tysiač piać.Ja nie chacieŭ razhojdvać situacyju, ja palityk ćviarozy. Ja imknuŭsia prezidentam stać u hetaj krainie. Ja tryvaju, ale ja adkrytym tekstam kažu: ciarpieńnie padychodzić da miažy», — zajaviŭ jon, dadaŭšy trochi pamaŭčaŭšy: «Nu, blin, ja vyjdu».
Pa mierkavańni Siarhieja Hajdukieviča, ułady pavinny prysłuchacca da ludziej i nie zaminać im vykazvać svajo staŭleńnie: «Historyja pakazała: čym bolš zabaronaŭ, tym bolš budzie tam moładzi.
U mianie ŭsia moładź u partyi burlić, usio niezadavolenyja», —zaŭvažyŭ jon, padkreśliŭšy, što «ŭładzie treba iści na dyjałoh, jak u kožnaj dziaržavie».
Hajdukievič ličyć, što pry praciahu ćviordaha supraćstajańnia «ułada spravakuje ŭvosień vychad usich». «Kali ŭžo začapili libieralnych demakrataŭ, jakija vyłučalisia dadatkovym rozumam, možacie pradstavić nastroi ludziej», — skazaŭ palityk.
Nahadajem, što syn Siarhieja Hajdukievič — kiraŭnik Fruzienskaha RUUS Minska. Jon asabista kiravaŭ razhonam akcyi 6 lipienia.