Siońnia sudździa Leninskaha rajona Mahilova Iryna Łančava pakarała niezaležnaha žurnalista Alesia Asipcova administracyjnym aryštam na 10 sutak.
Sudy ŭ Mahilovie nad zatrymanymi padčas apošnich pratestnych akcyjaŭ, arhanizavanych praz sacyjalnyja sietki ŭ internecie, raspačalisia ŭ čaćvier u druhoj pałovie dnia. Akramia Alesia Asipcova, aryštavany na 5 sutak Alaksandr Kisialoŭ. Hrašovy štraf u 30 bazavych vieličyniaŭ (1 młn 50 tys.) atrymaŭ Vital Zabłocki.
U sieradu, 6 lipienia, na akcyi ŭ Mahilovie zatrymali 8 čałaviek. Akramia taho, va ŭłasnych kvaterach byli zatrymanyja Aleś Asipcoŭ, Vital Zabłocki i Alaksandr Simanovič. Siońnia, 7 lipienia, zatrymali pravaabaroncu Barysa Buchiela. Da suda ŭsie jany znachodzilisia ŭ izalatary časovaha ŭtrymańnia.
0
0
0
0
0
0
