Papiaredžańnie hruntujecca na materyjałach, atrymanych prakuraturaj z KDB.
6 lipienia, Brest. Fota Stanisłava Koršunava, "Briestskaja hazieta".
Pieršy namieśnik prakurora Bresckaj vobłaści Siarhiej Turaviec vynies aficyjnaje papiaredžańnie kaardynataru «Revalucyi praz sacyjalnyja sietki» Dźmitryju Šurchaju. Jak vynikaje z dakumienta. Papiaredžańnie hruntujecca na materyjałach, atrymanych prakuraturaj z KDB. Dźmitryju Šurchaju nahadali, što zhodna zakona «Ab masavych mierapryjemstvach u Respublicy Biełaruś», na praviadzieńnie masavych mierapryjemstvaŭ nieabchodna atrymać dazvoł miascovych uładaŭ. Da atrymańnia takoha dazvołu zakon zabaraniaje anansavać čas i miesca praviadzieńnia mierapryjemstva ŭ presie, a taksama z dapamohaj ulotak, płakataŭ dy inšych materyjałaŭ. Paŭtornaje parušeńnie pałažeńniaŭ dadzienaha zakona ciahnie za saboj kryminalnuju adkaznaść.
Nahadajem, što «maŭklivyja» akcyi ŭ Breście stali adnymi z samych masavych i efiektnych u rehijonach. 6 lipienia kala 400 čałaviek prajšlisia kałonaj pa vulicach horada. Miescami zdaralisia sutyčki z asobami ŭ cyvilnym, jakija zatrymlivali ŭdzielnikaŭ akcyi.
