Razhonam akcyi 6 lipienia kiravaŭ syn Siarhieja Hajdukieviča 14

Razhonam akcyi 6 lipienia kiravaŭ syn Siarhieja Hajdukieviča. Aleh Hajdukievič uznačalvaje Frunzienski RUUS stalicy i ŭčora kuryravaŭ razhon kala Ladovaha pałaca ŭ Miensku.

Aleh Hajdukievič užo ŭ 29 hadoŭ staŭ namieśnikam staršyni RUUS Partyzanskaha rajonu, ciapier kiruje rajonnym upraŭleńniem Frunzienskaha rajonu. Jahony baćka — staršynia Biełaruskaj libieralna-demakratyčnaj partyi Siarhiej Hajdukievič — raspaviadaŭ u intervju, što syn zaŭsiody maryŭ pra karjeru milicyjanta, doŭhi čas pracavaŭ u adździele baraćby z ekanamičnymi złačynstvami.

Palityk nie ździŭleny, što ludzi z pratestami vychodziać na vulicy: «Ilhotaŭ pazbavili, zarobkaŭ nie padniali, valuty ŭ abmieńnikach niama… Čaho jašče čakać?»

Siarhiej Hajdukievič pryznaŭsia, što jahonyja paplečniki taksama chodziać na akcyi. «Raspaviadali mnie, što rabiłasia na Pryvakzalnaj płoščy, jak chapali ludziej. Ja liču, što

milicyja nie musić hetym zajmacca.

Milicyja musić łavić złačyncaŭ, inakš rabi što chočaš u horadzie — usia milicyja na pratestach».

U abaronu svajho syna jon kaža, što niezaležnyja resursy ŭ internecie paviedamlajuć: najbolš karektnaje staŭleńnie da zatrymanych było mienavita ŭ Frunzienskim RUUS. «Ja nie mahu ŭłazić u spravy syna. Jon darosły čałaviek — razumny, intelihienty, jon sapraŭdny prafiesijanał».

Sam lidar libieralna-demakratyčnaj partyi na maŭklivyja akcyi nie chodzić, ale kaža, što razam sa svajoj kamandaju rychtuje surjoznuju prahramu bližej da vosieni, kali ekanamičnaja situacyja ŭ krainie moža jašče bolš pahoršycca.

belsat.eu

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH