Pavodle papiarednich źviestak, u sieradu ŭ Hrodna zatrymali kala 40 čałaviek.
Palina Žuraŭlova.
Redakcyja haziety «Viečiernij Hrodno» źviarnułasia ŭ pres-słužbu UUS abłvykankama, kab vyśvietlić, što za asoby ŭ cyvilnym zatrymlivali ludziej u časie ŭčorašniaj akcyi. Načalnik adździeła infarmacyi i hramadskich suviaziej Hieorhij Jeŭčar zajaviŭ: pišycie piśmovy zapyt. My budziem vyśviatlać, što heta za asoby ŭ cyvilnym.
Varta adznačyć, što na hrodzienskich forumach źjaviłasia infarmacyja pra toje, što nibyta ŭčora ŭ razhonie akcyi prymali ŭdzieł nie miascovyja milicyjanty.
Nahadajem, što 6 lipienia ŭ Hrodna na vulicy Savieckaj na supracoŭnicu haziety «Viečiernij Hrodno» Palinu Žuraŭlovu napali nieviadomyja žančyny. Pa słovach žurnalistki, jany schapili jaje i pieradali mužčynam u cyvilnym. Tyja hruba paciahnuli jaje ŭ aŭtobus. Pa darozie žurnalistku… vyranili z ruk i jana baluča ŭdaryłasia śpinoj. Žurnalistku dastavili ŭ rajadździeł, adkul jaje zabrała «chutkaja» — u milicyi dziaŭčynie stała kiepska. Jana atrymała daviedku ŭ miedekśpierta. U Paliny siniak pad vokam, kryvapadcioki na rukach i śpinie.
Pavodle papiarednich dadzienych, 6 lipienia ŭ Hrodna zatrymali kala 40 čałaviek, 30 ź ich trapili ŭ RAUS Kastryčnickaha rajona.