Vandroŭka pa jaŭrejskich miaścinach Biełarusi i kleźmierskaja muzyka 17

Amatary historyi i kultury Biełarusi šukajuć adnadumcaŭ dla pajezdki na ekskursiju-kancert pa śladach amal źnikłaj cyvilizacyi — kultury biełaruskich jaŭrejaŭ, rodnaj movaj jakich stahodździami była mova idyš.

Razam z Alesiem Astravucham — aŭtaram idyš-biełaruskaha słoŭnika i znaŭcam habrejskaj kultury — vy naviedajecie kłasičnyja zachodniebiełaruskija miastečki: Vałožyn, Višnieva, Ivianiec, Rakaŭ.

Vy pabačycie budynki słavutaj na ŭvieś judziejski śviet Vałožynskaj ješyvy, cudam zachavanych sinahohaŭ, staražytnyja mohiłki (i daviedajeciesia, što napisana na mahilnych kamianiach!), pomniki achviaram Chałakostu, radzimu prezidenta Dziaržavy Izrail, łaŭreata Nobieleŭskaj premii miru Š. Pieresa, miescy dysłakacyi jaŭrejskich partyzanskich atradaŭ u Nalibockaj puščy.

Vy paznajomiciesia ź niezvyčajnaj i kałarytnaj movaj idyš.

U vykanańni Alesia Astravucha i Alaksieja Žbanava pačujecie pryhožyja pieśni na hetaj movie.

Budzie mahčymaść śpiavać razam!

Na chutary spadara Alesia Łasia Barok prahučyć sapraŭdnaja kleźmierskaja muzyka! U vykanańni kleźmierskaha ansambla «Minskier kapielje».

Vandroŭka startuje ź Minska 17 lipienia (niadziela) a 8-j. Daviedki pa telefonie: (029) 180-28-38.

Uzor kleźmierskaj muzyki — viadomaja pieśnia z «Narodnaha alboma» LOMIR ZICH IBERBETN. Na biełaruskuju movu ź idyš jaje pierakłaŭ Alaksiej Žbanaŭ:

LOMIR ZICH IBERBETN

Lomir zich iberbetn, iberbetn
Vos shteystu bay der tir?
Lomir zich iberbetn,
Kum arayn tsu mir.

Lomir zich iberbetn, iberbetn,
Vos shteystu bay mayn fenster?
Lomir zich iberbetn,
Bist bay mir der shenster.

Lomir zich iberbetn, iberbetn,
Koyf a pomarantsn,
Lomir zich iberbetn,
Lomir geyen tantsn.

Lomir zich iberbetn, iberbetn,
Shtel dem samovar,
Lomir zich iberbetn,
Zay-zhe nisht kayn nar.

Lomir zich iberbetn,
Genug shoyn zayn vi goyim,
Lomir zich iberbetn,
Lomir zayn chaverim!

TREBA NAM PAMIRYCCA

(pierakład ź idyš — Alaksiej Žbanaŭ)

Treba nam pamirycca, pamirycca,
Staiš kala bramy.
Treba nam pamirycca —
Ty ž pryhožy samy.

Treba nam pamirycca, pamirycca,
Staiš la dźviarej.
Treba nam pamirycca,
Dyk zachodź śmialej.

Treba nam pamirycca, pamirycca,
Kupi pamarančy.
Treba nam pamirycca —
Ty sa mnoj patančy.

Treba nam pamirycca, pamirycca,
Staŭ ža samavar.
Treba nam pamirycca —
Budź jak haspadar.

Treba nam pamirycca, pamirycca,
Hodzie žyć jak hoi.
Treba nam pamirycca —
My ž siabry z taboju!

0

0

0

0

0

0

Pavodle users.livejournal.com/maryjka_

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH