Byłoha kandydata ŭ prezidenty Dźmitryja Usa, asudžanaha na 5,5 hadoŭ kałonii ŭzmocnienaha režymu, pakłali ŭ Respublikanski turemny špital.
Pieršym pra heta paviedamiŭ u liście svajoj žoncy palitviazień Źmicier Bandarenka, jaki sam zaraz lažyć u špitali i pabačyŭ tam Usa. Aficyjna hetuju infarmacyju paćvierdzili žoncy Usa, Jaŭhienii, u administracyi turmy na Vaładarcy.
Dźmitryj Us asudžany na 5 z pałovaj hadoŭ źniavoleńnia za arhanizacyju masavych biesparadkaŭ. Niekalki hadoŭ tamu Dźmitryj Us pieranios ciažkuju apieracyju, lažaŭ šmat dzion u komie, paśla hetaha Usu była pryznačana 2-ja hrupa invalidnaści, jakuju jon nie staŭ paćviardžać napiaredadni vybaraŭ. Svajaki vielmi apasajucca za stan zdaroŭja Dźmitryja za kratami.
0
0
0
0
0
0
