Interfaks: Typy ŭ cyvilnym paśla akcyi siłkavalisia, žartavali 9

Pakul niemahčyma dakładna nazvać ličbu zatrymanych žycharoŭ stalicy. Reparciory «Našaj Nivy» byli śviedkami zatrymańnia nie mienš za 100 čałaviek.

Karespandenty stali vidavočcam taho, jak ad Pryvakzalnaj płoščy adjechali 4–5 aŭtazakaŭ i 3–4 aŭtabusy z zatrymanymi.

Pavodle źviestak pravaabaroncaŭ-viasnoŭcaŭ, u RUUSy dastaŭlena nie mienš za 120 čałaviek. Zatrymańni pravodzilisia arhanizavanymi hrupami asobaŭ u cyvilnym, pieravažna brytahałovych. Zatrymlivali ludziej z užyćciom siły, časam žorstka źbivali.

Hicli ŭ cyvilnym siońnia pieraškadžali pracy žurnalistaŭ. Na vačach u reparcioraŭ «Našaj Nivy» heta zdaryłasia dvojčy. Typy pyrskali reparcioram piarcovym hazam, časam prosta ŭ tvar. Usiaho takich vypadkaŭ, pavodle śviedčańniaŭ žurnalistaŭ, było prynamsi šeść.

Reparcior ahienctva «Interfaks» staŭ vidavočcam taho, jak hrupa asobaŭ u cyvilnym paśla razhonu ludziej skiravałasia da šapika «Ježa ŭ darohu».

Jany byli ŭ humory, žartavali miž saboj, byli zadavolenyja saboj. Jany nabyli piražki z kapustaj i kvas i siłkavalisia.

NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH