Biełaruskija ŭłady abaviazalisia značna pavysić staŭku refinansavańnia. Heta vynikaje z matrycy ŭmovaŭ kredytavańnia, uzhodnienaj z Antykryzisnym fondam JeŭrAzES, u miežach3-miljardnaha kredytavańnia.
«Staŭka refinansavańnia štomiesiac pierahladajecca praŭleńniem Nacyjanalnaha banka z tym, kab zabiaśpiečyć jaje naminalnaje značeńnie nie nižejšym za prahnazavany temp rostu indeksa spažyvieckich cen u hadavym vyražeńni», — havorycca ŭ dakumiencie.
Jak na ciapier staŭka refinansavańnia składaje 18%. Pavodle źviestak Biełstata, indeks spažyvieckich cenaŭ u mai 2011 hoda proci maja 2010 hoda skłaŭ 32,6%. Pry hetym, pa vynikach pieršaha paŭhodździa inflacyja, imavierna, dasiahnuła navat 40%.
0
0
0
0
0
0