Nalitoŭska-biełaruskaj miažy pahraničniki zatrymali pieršaha kiraŭnika Biełarusi Stanisłava Šuškieviča.
Stanisłaŭ Stanisłavavič viartaŭsia na ciahniku ź Vilni, dzie braŭ udzieł u Forumie Supolnaści demakratyj. Jahony pašpart zabrali dla «vyvučeńnia na pradmiet dastaviernaści», paviedamiŭ jon. Pa stanie na 0.30 pašpart usio jašče nie viarnuli.
Jak paviedamlajuć vidavočcy (infarmacyja ŭ Tvitary), ź ciahnika paśla pamiežnaha j mytnaha kantrolu taksama źniali prynamsi 15 studentaŭ EHU.
Šuškievič paprasiŭ studentaŭ zrabić hrupavoje fota na fonie kas.
Adna sa studentak paviedamlała, što najchutčej što da Minska ŭsie dajeduć najbližejšym ciahnikom (u 22:37 ź Vilni adpraviŭsia kalininhradski ciahnik). Šuškievič i studenty navat pakuplali bilety. Pamiežniki prasili ich nie chvalavacca, paviedamlaje cytavanaja vyšej studentka.
Adnak paśla akazałasia, što
pašpartoŭ studentam i Šuškieviču da adychodu hetaha ciahnika tak i nie viarnuli. Zaraz jany vymušany buduć čakać da ranku — raniej ciahnikoŭ nie budzie.
Varta adznačyć, što ŭ Litvie poŭnym jurydyčnym imunitetam karystajucca ŭsie deputaty adnaŭlenčaha Sojma, jaki pryniaŭ rašeńnie pra vychad z SSSR. Tak dziaržava adździačyła im za ich śmiełaść i histaryčnuju rolu. Jak bačym, u Biełarusi ŭ kiraŭnika pieršaha parłamienta, Šuškieviča nie tolki zabrali piensiju, ale navat robiać abjektam palityčna matyvavanych pracedur na miažy.
Pa słovach Šuškieviča, hałoŭnaja viersija taho, što adbyłosia — nie puścić u Minsk patencyjnych udzielnikaŭ pratestaŭ 3 Lipienia.U sacyjalnych sietkach utvaryŭsia narodny ruch za ekanamičnyja i palityčnyja pieramieny ŭ krainie. Jaho ŭdzielniki źbirajucca apładziravać u časie vystupu Alaksandra Łukašenki i vykazvać svoj pratest suprać situacyi ŭ krainie inšymi sposabami, a
Viadoma, što pierad vybarami na miažu ŭ «dapamohu» pamiežnikam i mytnikam vypraŭlali supracoŭnikaŭ śpiecsłužbaŭ, jakija i pilnujuć, kab pamiežnyja słužby ŭzmacniali kantrol patencyjna «niebiaśpiečnych» pasažyraŭ.
Mahčyma, toj samy mietad pracy ŭžyvajecca i pierad padziejami 3 Lipienia.
U Minsku 2 lipienia na vulicach taksama nazirajecca pavyšanaja prysutnaść milicyi i DAI.
Jak paviedamlajuć u Tvitary studenty, pratakołaŭ na ich nie składali, a taksama im nie zmahli patłumačyć, na padstavie čaho ich zatrymali. Voś zabrali pašparty, i ŭsio.
* * *
Pašparty Šuškieviču j studentam viarnuli praz 4 hadziny biez tłumačeńniaŭ. Šuškieviču bilet da Minska nabyli pamiežniki, bo jahonyja rečy i hrošy byli zastalisia ŭ pamočnicy palityka, jakuju ź ciahnika nie ssadzili.
