Irłandski akcior Džonatan Rys-Majers sprabavaŭ zrabić sabie śmierć, paviedamlaje časopis People. Jon nahłytaŭsia tabletak. Akcior trapiŭ u balnicu ŭ Łondanie.
Chutkuju dapamohu vyklikali susiedzi, jakija znajšli 33-hadovaha akciora na padłozie jahonaj chaty. «My možam paćvierdzić, što byli vyklikanyja słužby chutkaj dapamohi Łondana. Mužčynu zabrali ŭ lakarniu ŭ centr Łondana, palicyja prysutničała», — skazaŭ žurnalistam pradstaŭnik Skotłand-Jarda. «Heta vielmi sumna. Jon dobry, vietlivy chłopiec. Spadziajusia, što ŭsio budzie ŭ paradku», — prakamientavała adna z susiedak akciora.
Majersa ŭžo vypisali ź lakarni, adnak nijakich kamientaroŭ jon nie daje.
Džonatan Rys-Majers viadomy pa filmach «Aŭhust Raš», «Matč Pojnt», «Z Paryža ź luboŭju». U mai hetaha hoda jon prachodziŭ kurs terapii ad ałkaholnaj zaležnaści ŭ reabilitacyjnaj klinicy.
