Pakul Jeŭropa bajałasia, što bakteryja E.coli, jakaja paniesła 30 žyćciaŭ, chavajecca ŭ ahurkach, hetaja harodnina mocna tańnieła i ŭ Litvie. U piatnicu ranicaj u adnoj z najbujniejšych handlovych sietak Litvy doŭhapłodnyja litoŭskijaahurki kaštavali mienš lita.
Doŭhapłodnyja litoŭskija hurki ŭ sietcy Maxima za dva tydni patańnieli na try lita. Miž tym, košt na karotkapłodnyja hurki ŭ hetaj sietcy zvaliłasia z 4,99 da 1,49 lita.
«My prapanoŭvajem pakupnikam tolki litoŭskija hurki. Ceny na hurki, jak i na inšuju harodninu, pastajanna źmianiajucca. Za apošnija dva tydni hurki mocna patańnieli. Na heta paŭpłyvała nie tolki panika ŭ Jeŭropie z-za E.coli, ale i asabliva dobry ŭradžaj ahurkoŭ u hetym hodzie», - skazała pradstaŭnik Maxima Liinaj Mujženie.
«Na źnižeńnie koštaŭ paŭpłyvała vialikaja prapanova - tak jak my kuplajem ich tańniej ŭ litoŭskich harodnikaŭ, to možam i svaim pakupnikam prapanavać litoŭskuju harodninu pa bolš nizkaj canie», - śćviardžała jana.
Aharodniki Litvy byli vymušanyja źnizić ceny, kali začyniŭsia adzin z najvažniejšych ekspartnych rynkaŭ, - rasiejski.
Pradstaŭnik handlovaj sietki Rimi Raminta Stanajcicie-Česnulenie skazała, što kramy hetaj sietki handlujuć tolki litoŭskimi ahurkami užo paru miesiacaŭ, prodažy rastuć, košty źnižajucca. U hetaj sietki doŭhapłodnyja ahurki kaštujuć 1,99 lita (tydzień tamu - 2,99 lita) za kiłahram, karotkopłodnyja - 2,99 (učora kaštavali 3,99) lita. Košt zaležyć ad taho, kolki sietka pavinna zapłacić aharodnikam, a jany ŭličvajuć ŭradžaj.
Na minułym tydni dyrektar Litoŭskaj asacyjacyi harodninavodaŭ Zofija Cyrkanienie prahnazavała, što ahurki pavinny patańnieć da 1 lita za kiłahram, pamidory - da 1,5 lita.
