U paniadziełak Jeŭrapiejski sajuz futbolnych asacyjacyj (UEFA) apublikavaŭ pasieŭ zbornych pry losavańni adboračnaha turniru čempijanatu śvietu 2014 hoda ŭ Brazilii. Cyrymonija losavańnia (žarabjoŭki) adbudziecca 30 lipienia 2011 hoda. Adboračny turnir startuje ŭ vieraśni 2012 hoda, paviedamlaje hazieta.ru.
Zbornaja Biełarusi, piša hazieta.ru, pasiejana ŭ 4-m košyku, a heta aznačaje, što jaje supiernikami nie buduć Litva, Ałbanija, Vienhryja, Hruzija, Armienija, Paŭnočnaja Irłandyja, Šatłandyja, Polšča.
Košyk 1 - Ispanija, Niderłandy, Niamieččyna, Anhlija, Partuhalija, Italija, Charvatyja, Narviehija, Hrecyja.
Košyk 2 - Sierbija, Słavienija, Rasija, Francyja, Čarnahoryja, Šviejcaryja, Słavakija, Danija, Šviecyja.
Košyk 3 - Turcyja, Čechija, Izrail, Irłandyja, Ukraina, Bielhija, Rumynija, Bośnija, Bałharyja.
Košyk 4 - Litva, Ałbanija, Vienhryja, Biełaruś, Hruzija, Armienija, Paŭnočnaja Irłandyja, Šatłandyja, Polšča.
Košyk 5 - Aŭstryja, Estonija, Łatvija, Finlandyja, Makiedonija, Małdova, Kipr, Azierbajdžan, Uels.
Košyk 6 - Isłandyja, Luksiemburh, Farery, Kazachstan, Lichtenštejn, Malta, Andora, San-Maryna.
Što praŭda, na sajcie UEFA pakul takoj infarmacyi niama.
Jeŭrasport, u svaju čarhu piša, što skład košykaŭ budzie abvieščany pry kancy lipienia, i dziela hetaha budzie vykarystany lipieński rejtynh FIFA, jaki abnarodujuć 27 lipienia (a taksama i červieński, kudy trapić nie tolki matč z Francyjaj, ale i Luksiemburham).