Hazprom» nie ličyć nieabchodnym uviazvać padpisańnie novaha kantrakta na pastaŭku hazu ŭ Biełaruś ź pieramovami ab nabyćci 50% akcyj AAT «Biełtranshaz», zajaviŭ žurnalistam 6 červienia ŭ Sočy kiraŭnik rasijskaha hazavaha chołdynhu Alaksiej Miler.
Pavodle jaho słoŭ, ździełka pa pavieličeńni «Hazpromam» doli ŭ «Biełtranshazie» da 100% znachodzicca «ŭ
«Na siońnia pytańnie, jakoje zastajecca ŭ miežach hetaj ździełki, uviazvajecca biełaruskim bokam z padpisańniem novaha kantrakta na pastaŭku hazu ŭ Biełaruś», — cytuje Milera RIA Novosti. Kiraŭnik «Hazproma» nahadaŭ, što dziejny kantrakt zakančvajecca ŭ kancy 2011 hoda.
Pazicyja rasijskaha boku, skazaŭ Miler, zvodzicca da nastupnaha:
«Pytańnie kupli akcyj „Biełtranshazu“ i novy kantrakt na pastaŭku hazu ŭ Biełaruś — heta dva roznyja dakumienty, i nie treba ŭ adzin dakumient sprabavać upisać absalutna roznyja pa sutnaści damoŭlenaści».
Hetyja pazicyi raniej abnarodavali i pradstaŭniki kiraŭnictva Rasii i Biełarusi.
U pryvatnaści, letaś Alaksandr Łukašenka zajaŭlaŭ ab mahčymaści prodažu 50% akcyj «Biełtranshazu», ale ŭ abmien na pastaŭku ŭ Biełaruś hazu pa ŭnutryrasijskich cenach.
U sakaviku hetaha hoda na pasiadžeńni sajuznaha Saŭmina prem'
Adnak 23 maja biełaruski premjer Michaił Miaśnikovič, kamientujučy chod pieramoŭ ab prodažy «Biełtranshazu», paćvierdziŭ: padčas hetaj ździełki sapraŭdy abmiarkoŭvajecca pytańnie cany na haz. «Razmova idzie nie prosta ab prodažy — pradali i zabyli. Treba, kab pradpryjemstva pracavała, kab truby byli źviazany, peŭnyja srodki pastupali ŭ biudžet. Adnačasova viadziecca praca i pa prahnozie cen», — skazaŭ kiraŭnik urada.
Staršy analityk rasijskaha Instytuta enierhietyki i finansaŭ Siarhiej Ahibałaŭ u intervju BiełaPAN vykazaŭ dumku, što Biełaruś zaraz nie ŭ tym stanoviščy, kab ahavorvać umovy pa canie na haz. «Kali „Biełtranshaz“ budzie pradadzieny za 2,5 młrd. dołaraŭ, to, na moj pohlad, heta davoli vysokaja cana ŭžo ŭ sabie ŭtrymlivaje padtrymku, subsidyju dla biełaruskaha boku. Inšyja bonusy biełaruski bok naŭrad ci atrymaje», — vykazaŭ mierkavańnie palityk.
Zaraz 50% akcyj AAT «Biełtranshaz» naležać rasijskaj kampanii «Hazprom», astatnija 50% — biełaruskaj dziaržavie.