Ministerstva justycyi vyniesła druhoje ŭ hetym hodzie piśmovaje papiaredžańnie Biełaruskamu Chelsynskamu kamitetu. Padstavaj dla jaho stali «parušeńni padatkovaha zakanadaŭstva, jakija majuć praciahły charaktar».
BCHK pavinien zapłacić u biudžet zvyš 205 miljonaŭ rubloŭ padatkaŭ i štrafnych sankcyj na vykarystanyja ŭ 2002–2003 hadach hranty Eŭrakamisii, jakija pavodle mižnarodnych damovaŭ Respubliki Biełaruś padavalisia ŭ biespadatkovym režymie. U ramkach mižnarodnaj techničnaj dapamohi ad Eŭrakamisii finansavalisia bolš za 30 hramadzkich abjadnańniaŭ. Adnak padatkovyja płaciažy byli naličanyja tolki 2 arhanizacyjam, paviedamlaje
BCHK ličyć rašeńnie inspekcyi Ministerstva padatkaŭ i zboraŭ niezakonnym i abskardziŭ jaho ŭ sudovym paradku. Sudy pastanavili, što pravaabaroncy ničoha nie pavinny pakryvać u biudžet.
Adnak napiaredadni prezydenckich vybaraŭ 2006 hodu, manitorynh jakich ažyćciaŭlaŭ BCHK, rašeńni haspadarčych sudoŭ byli pierahledžanyja prezydyjumam Vyšejšaha haspadarčaha sudu. Majomaść BCHK była kanfiskavanaja, a rachunki aryštavanyja.
Razam z tym u 2006 hodzie departament finansavych raśśledavańniaŭ Kamitetu dziaržkantrolu spyniŭ u suviazi z adsutnaściu padziei złačynstva kryminalnuju spravu, pačatuju za ŭchileńnie ad vypłaty padatkaŭ u dačynieńni da słužbovych asobaŭ BCHK.
Ciapier Minjust zahadvaje BCHK likvidavać zapazyčanaść u biudžet u miesiačny termin.
Pieršaje ŭ hetym hodzie papiaredžańnie było vyniesiena BCHK 12 studzienia 2011 hodu paśla taho, jak pravaabaroncy nakiravali specdakładčyku AAN pa pytańni ab niezaležnaści sudździaŭ i advakataŭ Habryele Knaul paviedamleńnie pra cisk uładaŭ na advakataŭ, u pryvatnaści tych, jakija abaraniajuć udzielnikaŭ padziejaŭ 19 śniežnia.
12 sakavika Viarchoŭny sud admoviŭ BCHK u zadavalnieńni skarhi na papiaredžańnie Minjustu.
Zakanadaŭstva dazvalaje inicyjavać sudovy praces ab likvidacyi hramadzkaha abjadnańnia pry najaŭnaści dvuch papiaredžańniaŭ za hod.
