Niama hrošaj: Pošuki źnikłych u Himałajach biełaruskich alpinistaŭ prypynienyja 1

Pošuki źnikłych u Himałajach biełaruskich alpinistaŭ prypynienyja z-za niedachopu srodkaŭ. Pra heta BiełaPAN paviedamiŭ člen minskaha hornaha kłuba «Chan-Tenhry» Alaksiej Puškoŭski.

Nahadajem, z 8 maja niama suviazi z dvuma vopytnymi biełaruskimi alpinistami — Mikałajem Bandaletam i Siarhiejem Siŭcom, členami kłuba «Chan-Tenhry». Jany pakarali adnu z samych niedastupnych viaršyniaŭ śvietu — Tułahi vyšynioj 7.029 mietraŭ u Niepale. Dahetul uziać jaje nie ŭdavałasia nivodnamu čałavieku.

Z 13 maja źnikłych šukali na viertalocie. 15 maja na vyšyni 6.300 m ź viertalota była znojdziena pałatka z rečami alpinistaŭ i łancužok ich śladoŭ, što viali na hrebień. Naziemnyja pošuki nie ŭdałosia arhanizavać z-za drennaha nadvor`ia. Pa hetaj ža pryčynie na dali vynikaŭ paŭtornyja vylety viertalota.

Jak paviedamiŭ Puškoŭski, ciapier arhanizatary pošukaŭ vymušanyja vyrašać pytańnie apłaty ŭžo praviedzienych rabot. Dla zboru srodkaŭ na pošukava-ratavalnyja raboty adkryty dabračynnyja rachunki, na jakich sabrana 17,5 tys. dołaraŭ. Hetych srodkaŭ chapaje na apłatu pieršych dvuch dzion pošukaŭ.

Na apłatu ŭžo praviedzienych pošukaŭ dadatkova spatrebicca kala 13 tys. dołaraŭ.

Hadzina pracy viertalota z ekipažam kaštuje 2,5 tysiačy, adnak u siarednim u dzień ŭdavałasia adlatać try hadziny: pa hadzinie zajmaŭ padlot da hary i viartańnie ŭ Katmandu.

Pavodle słoŭ Puškoŭskaha, isnujuć taksama arhanizacyjnyja prablemy: nie zmahli atrymać kaardynaty, na jakich apošni raz rehistravaŭsia ŭ sietcy spadarožnikavy telefon alpinistaŭ, u rehijonie zachoŭvajecca drennaje nadvor`ie, nieabchodna sabrać šmat dakumientaŭ i daviedak. Adnak nadzieja znajści siabroŭ u arhanizataraŭ pošukaŭ jašče zastałasia, jany spadziajucca na vyrašeńnie prablem.

Nahadajem, dabračynnyja rachunki dla zboru srodkaŭ na pošuki alpinistaŭ adkrytyja ŭ filijale № 503 AAT «AA «Biełarusbank» u Minsku pa vuł. Anharskaja, 40. UNP 100151342, kod banka 608.

U biełaruskich rublach: № 000012 (tranzitny rachunak № 3819382103071 — ukazvajecca pry pieravodzie srodkaŭ jurasobami). Atrymalnik: Frałova Taćciana Andrejeŭna.

U dołarach ZŠA: № 000095 (tranzitny rachunak № 3819382106775 — ukazvajecca pry pieravodzie srodkaŭ jurasobami). Atrymalnik: Frałova Taćciana Andrejeŭna.

U jeŭra: № 000006 (tranzitny rachunak № 3819382106775 — ukazvajecca pry pieravodzie srodkaŭ jurasobami). Atrymalnik: Frałova Taćciana Andrejeŭna.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH