Da zdymak režysior Viačasłaŭ Sikora płanuje prystupić u žniŭni.
Kožny čałaviek, kab ŭśviadomić svajo miesca ŭ žyćci, samavyznačycca, pavinien adkazać na pytańnie: chto jon i adkul. Nieabchodna viedać svaje karani, historyju svajoj siamji, svajho narodu i, kaniešnie, historyju rodnaha horada.
Nakont taho, kali i jak uźnik Mahiloŭ, adkul pajšła nazva horada, isnuje niekalki viersij. Samaja viadomaja i pryhožaja ź ich — staražytnaja lehienda pra razbojnika Mašeku.
Lehienda pra Mašeku
U staradaŭnija časy na miescy siońniašniaha Mahilova byŭ biaskrajni les. Niedaloka ad lesu stajała vioska, rodam ź jakoj i byŭ hieroj lehiendy Mašeka. Ź dziacinstva jon vyłučaŭsia svajoj niezvyčajnaj siłaj: adnoj rukoj moh vyrvać vielizarny dub z karaniami. U junactvie Mašeka mocna zakachaŭsia ŭ samuju pryhožuju dziaŭčynu ŭ vioskcy ale jana addała pieravahu kniaziu.
Z taho momantu Mašeka razzłavaŭsia na ŭvieś śviet, syšoŭ žyć u samy huščar lesu i staŭ razbojnikam. Zabiŭ jon šmat ludziej, navioŭ žach na ŭsiu akruhu. Ale adnojčy sustreŭ svaju kachanuju i staryja pačućci znoŭ napoŭnili jaho serca. Mašeka daručyŭsia žančynie, a jana zabiła jaho ŭ śnie.
Z tych časoŭ, miesca, dzie pachavali Mašeku, stali zvać «Mahiłaj Lva». A haru, zasypanuju kaśćmi achviar Mašeki, nazvali Mašakoŭskaj. Siońnia na miescy hetyj hary znachodzicca mikrarajon Jubilejny.
Novaje žyćcio lehiendy
U našyja dni lehienda pra Mašeku atrymlivaje novaje žyćcio. Pa joj Siarhiej Kavaloŭ napisaŭ pjesu, jakaja kolki hod staviłasia na scenie Mahiloŭskaha dramatyčnaha teatra, ale ŭ apošnija hady, nažal, čamuści źnikła ź jaho repiertuaru. A ŭ žniŭni režysior Viačasłaŭ Sikora pačnie zdymać film ab žyćci Mašeki.
Gorad.bypabyvaŭ na papiarednich zdymkach filma:
Kinaproby da filma «Mašeka»..
Kinaproby da filma «Mašeka»..
Kinaproby da filma «Mašeka»..
Kinaproby da filma «Mašeka»..
I raspytaŭ režysiora ab jaho prajekcie
— Scenar filma pisaŭ Siarhiej Kavaloŭ. Jon dobra viedaje historyju, staražytnyja abrady. Scenar vielmi padobny na pjesu, ale ja vyrašyŭ dadać jašče niekalki razhornytych scen, jakija ŭ pjesie pakazvajucca mimachodź. Heta — dziacinstva Mašeki i Lubavy, a taksama Kupalskaja noč i niekatoryja inšyja.
Zdymać film my pačniem naprykancy žniŭnia z apošniaj sceny, dzie Mašeka dazvalaje Lubavie zabić siabie. I budziem ruchacca z kanca ŭ pačatak.
Taksama asobnaje pytańnie — dziacinstva hierojaŭ. Miarkuju, što na ich roli voźmiem kahości z navučencaŭ našaj kinaškoły.