Na hetym tydni ŭ Biełarusi čakajecca davoli ciopłaje nadvorje.
Jak paviedamiła 18 krasavika na videabryfinhu hałoŭny sinoptyk Respublikanskaha hidramietearałahičnaha centra Volha Fiadotava, tydzień projdzie pad znakam ckandynaŭskich antycykłonaŭ. 19 krasavika Biełaruś apyniecca na paŭdniova-ŭschodniaj pieryfieryi adnaho ź ich, i z paŭnočnym vietram budzie pastupać bolš chałodnaje pavietra paŭnočnych šyrotaŭ. Čakajecca pieramiennaja vobłačnaść, hałoŭnym čynam biez apadkaŭ. Tempieratura pavietra ŭ načnyja časy ad 2 hradusaŭ marozu pa poŭnačy da 7 ciapła pa poŭdni, dniom ad 9 da 14 hradusaŭ ciapła, na paŭdniovym zachadzie Bresckaj vobłaści da 16 ciapła.
Pavodle słoŭ Fiadotavaj, 20 krasavika ckandynaŭski antycykłon pieramieścicca na terytoryju Biełarusi. Viecier asłabnie, tempieratura pavietra ŭ načnyja časy składzie ad 4 hradusaŭ marozu da 3 hradusaŭ ciapła,
a dniom krasavickaje sonca prahreje pavietra da 12—19 hradusaŭ, na paŭdniovym zachadzie krainy da 20.
Jak paviedamiła sinoptyk, davoli ciopłym nadvorje abiacaje być i ŭ čaćvier, adnak u paŭnočnych rajonach krainy mahčymy niadoŭhačasovyja daždžy, jakija pryniasuć nieaktyŭny atmaśfierny front. Dzionnaja tempieratura budzie vahacca ad 13 hradusaŭ ciapła na paŭnočnym uschodzie
da 23 hradusaŭ na paŭdniovym zachadzie.
Pavodle słoŭ Fiadotavaj,
u piatnicu i subotu ŭ Biełaruś buduć pastupać z Bałtyjskaha mora davoli vilhotnyja pavietranyja masy.Miescami projduć karotkačasovyja daždžy. 22 krasavika dzionnaja tempieratura čakajecca ad 12 da 19 hradusaŭ, na paŭdniovym zachadzie Bresckaj vobłaści da 23. U subotu dniom budzie ad 10 da 16 hradusaŭ ciapła, na poŭdni da 19.
24 krasavika tempieratura pavietra budzie vahacca ad 12 da 18 hradusaŭ ciapła, na poŭdni krainy da 22. Na poŭdni mohuć prajści karotkačasovyja daždžy.
U Minsku nadvorje abiacaje być davoli ciopłym i soniečnym. Staličny rehijon budzie znachodzicca pad upłyvam skandynaŭskaha antycykłonu. 19 krasavika čakajecca rezki paŭnočny viecier, a dzionnaja tempieratura dasiahnie 13—14 hradusaŭ ciapła. 20 krasavika prahnazujecca plus 16—18 hradusaŭ.
