KDB pakul nie nazyvaje proźviščy padazravanych va ŭčynieńni terakta 1

Kamitet dziaržaŭnaj biaśpieki Biełarusi pakul nie nazyvaje proźviščy padazronych va ŭčynieńni terakta ŭ minskim mietro. Pra heta BiełaPAN zajaviŭ načalnik Centra infarmacyi i hramadskich suviaziaŭ KDB Alaksandr Antanovič.

Pavodle jaho słoŭ, pa-pieršaje, isnuje tajna śledstva, pa-druhoje, nieabchodna brać u raźlik «čałaviečy aśpiekt». Proźviščy padazronych mohuć być nazvanyja, kali im vystaviać abvinavačańnie, skazaŭ Antanovič. Zhodna z Kryminalna-pracesualnym kodeksam, heta pavinna adbycca na praciahu 10 sutak paśla zatrymańnia, heta značyć, da 23 krasavika.

Nahadajem, pavodle źviestak na 14 krasavika, pa padazreńni va ŭčynieńni terakta zatrymana piać čałaviek, u dačynieńni da dvuch ź ich była abranaja miera strymańnia ŭ vyhladzie ŭziaćcia pad vartu.

Proźviščy padazronych užo źjavilisia ŭ internecie. Pavodle viersii vydańnia Life News, nibyta heta ŭradžency Viciebska Dźmitryj Kanavałaŭ, Uład Kavaloŭ i Miadźviedzieŭ.

U Hienieralnaj prakuratury Biełarusi, jakaja rasśleduje spravu ab terakcie ŭ mietro, hetuju infarmacyju nie kamientujuć.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH