Alaksandr
«Vidać, moj zvarot da Hienieralnaha prakurora adyhraŭ svaju rolu, bo advakatu dazvolili bieśpieraškodna sustrakacca z maim synam — kolki treba. Ale iluzij syn nie maje. Abvinavačvańnie sfarmulavana, syn abvinavačvajecca pa troch artykułach Kryminalnaha kodeksa. Syn maralna hatovy da najhoršaha varyjanta, samaha žorstkaha prysudu. Dumaju, heta pasłańnie i ŭsim siłavym strukturam, ludziam u pahonach:
kali lejtenant milicyi — chaj sabie i były — vychodzić na płošču, mała jamu nie zdasca. Heta mesydž usim siłavym strukturam»,— miarkuje Alaksandr Kłaskoŭski.
Na praciahu dvuch tydniaŭ, ličyć žurnalist, kryminalnaja sprava moža patrapić u sud. Uličvajučy toje, što zakančvajecca i aznajamleńnie z kryminalnymi spravami Mikałaja Statkieviča, Dźmitryja Usa, «syn moža apynucca ŭ kletcy adnačasova ź inšymi fihurantami».
«Na cud spadziavacca nie davodzicca», — padkreśliŭ Alaksandr Kłaskoŭski.
Darečy, 25 sakavika advakat Iryna Burak nakiravała chadajnictva ab źmienie miery strymańnia Alaksandru
«Dumaju, u dačynieńni da syna moža prymianiacca pryncyp» kalektyŭnaj viny «. Kali ŭžo hučać farmuloŭki «biasčynny natoŭp, što dziejničaje jak adzinaje cełaje», — na kožnaha abvinavačanaha možna paviesić i ledasiek, i piać kustoŭ jadłoŭca (kazackaha), i vosiem mietraŭ trub.
Kłaskoŭski Alaksandr — były supracoŭnik milicyi. Znachodzicca pad vartaj u SIZA KDB. Jamu vystaŭlena abvinavačvańnie pa č.1 i 2 st.293, taksama ŭ abrazie pradstaŭnika ŭłady (st.369 KK) i ŭ samavolnym prysvajeńni zvańnia ci ŭłady słužbovaj asoby (st.382 KK). Zatrymany ŭ noč na 21 śniežnia ŭ siabie doma. Źmieščany pad vartu ŭ SIZA KDB. Pahražaje da 15 hadoŭ pazbaŭleńnia voli.
