Fota Julii Daraškievič.
Svajo 30-hodździe Alaksandr Atroščankaŭ sustrenie ŭ KDB.
Darja Korsak, žonka palitźniavolenaha, prosić usich nieabyjakavych biełarusaŭ pavinšavać Alaksandra Atroščankava paštoŭkami dy listami – 22 sakavika jamu spaŭniajecca 30 hadoŭ: «Jamu budzie vielmi pryjemna. Navat kali častku ź ich jon nie zdoleje atrymać – načalstva KDB zrazumieje, što ludzi nieabyjakava staviacca da jahonaha losu».
Pavodle žančyny, pracaŭniki KDB sprabujuć zrabić tak, kab palitźniavolenyja, u tym liku Alaksandr Atroščankaŭ, pačuvalisia pakinutymi. «Ja tak zrazumieła, hałoŭnaje, što jany robiać – raspaviadajuć i ŭnušajuć, što jany nikomu nie cikavyja, nikomu nie patrebnyja, nikomu niama da ich spravy, dy sprabujuć vyklikać pačućcio vinavataści», – raspaviała karespandentam «Biełsatu» Darja Korsak.
Žonka palitviaźnia kaža: Alaksandr Atroščankaŭ nie viedaŭ, što na jahony praces sprabavała trapić vialikaja kolkaść salidarnych biełarusaŭ.
«Ja jaho pierakanała, što salidarnaść vialikaja, navat kali jon nie atrymoŭvaje ŭsich listoŭ», – dadała Darja Korsak.
2 sakavika sud Frunzienskaha rajonu Miensku prysudziŭ Alaksandra Atroščankava, pres-sakratara kandydata na prezidenta na vybarach-2010 Andreja Sańnikava, da čatyroch hadoŭ źniavoleńnia ŭ kałonii ŭzmocnienaha režymu nibyta za ŭdzieł u masavych zakałotach 19 śniežnia.
