Pieršy list ad baćki atrymała dačka eks-kandydata ŭ prezidenta Mikałaja Statkieviča — Kaciaryna.
— Ja ŭ subotu atrymała ad taty pieršy list, davoli vialiki, datavany 7-m sakavika, — raspaviała Kacia Statkievič. — Jon piša, što da hetaha ŭžo pisaŭ siastry Ani. Ale jana nijakich listoŭ nie atrymlivała, dy i da inšych ničoha nie dachodzić. Ja tatu taksama napisała ŭžo vielmi šmat listoŭ, ale jaho advakat skazała, što jon niadaŭna atrymaŭ tolki dva mai listy.
U liście jon vinšuje nas z 8 sakavika, piša, što sa zdaroŭjem u jaho ŭsio dobra, pierakonvaje, kab my nie chvalavalisia. Ale pra siabie jon paviedamiŭ mała. Piša tolki, što nabiraje stračanuju padčas haładoŭki vahu, šmat čytaje, robić zaradku. Bolšaja častka listy — heta pytańni: pra mianie, pra dysiertacyju, pra muža. Piša, što ŭ listach ŭsim zakranaje tolki bytavyja temy, kab jany dachodzili.
Nahadajem, što eks-kandydatu ŭ prezidentu Mikałaju Statkieviču pradjaŭlena abvinavačańnie ŭ arhanizacyi masavych biesparadkaŭ 19 śniežnia. Śledstva skončana. Mahčyma, užo siońnia Statkievič i jaho advakat pačnuć znajomicca z materyjałami spravy.
Narodnaja Vola
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
