Fiadutu stała kiepska na dopycie paśla paviedamleńnia ab śmierci Navumavaj 4

Adnamu ź lidaraŭ kampanii «Havary praŭdu!» palitołahu Alaksandru Fiadutu, jaki znachodzicca ŭ SIZA KDB, stała kiepska padčas dopytu 11 sakavika paśla atrymańnia infarmacyi ab śmierci jaho kalehi Śviatłany Navumavaj.

Jak paviedamiła žonka Fiaduty Maryna, u suviazi z hetym dopyt byŭ pieraniesieny na 12 sakavika. Adnak i ŭ subotu jon nie adbyŭsia, ale ŭžo z-za chvarobaŭ advakataŭ, tamu «ŭsio pieraniesiena na paniadziełak, 14 sakavika». Maryna Fiaduta spadziajecca, što ciapier jaje muž adčuvaje siabie lepš.

Alaksandr Fiaduta byŭ zatrymany 20 śniežnia paśla akcyi pratestu ŭ Minsku. Jon abvinavačvajecca pa art. 293 Kryminalnaha kodeksa (masavyja biesparadki), jamu pahražaje da 15 hadoŭ pazbaŭleńnia voli.

Palitołah, vykładčyk Jeŭrapiejskaha humanitarnaha ŭniviersiteta Śviatłana Navumava była adnoj z aktyvistak kampanii «Havary praŭdu!». Jana pamierła 10 sakavika na 56-m hodzie žyćcia ad chvaroby nyrak.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH