Žycharoŭ niekalkich japonskich haradoŭ, paciarpiełych ad ziemlatrusu i cunami, achapiła panika i adčaj. Ludziam nie chapaje vady, praduktaŭ i lekaŭ. La ŭvachodaŭ u balnicy vystrailisia vializnyja čerhi paranienych.
Jak pieradaje karespandent Reuters, u rajonie horada Fukusima, u pryharadzie jakoha ranicaj vybuchnuła AES, ludzi stali ŭ vializnyja čerhi pa pitnuju vadu ŭ haradskich centrach. Šmat chto dahetul spadziajucca znajści svaich tych, chto vyžyŭ svajakoŭ.
Žychary horada Ivanuma, raźmieščanaha niedaloka ad Fukusimy, pišuć vializnymi litarami SOS na dachach budynkaŭ, častkova zatoplenych vadoj, sprabujučy takim čynam pryciahnuć uvahu ratavalnikaŭ.
U horadzie Mito taksama vystrailisia vializnyja čerhi ŭ praduktovyja kramy i balnicy.
«Bolšaść kramaŭ začynilisia, heta adna ź niamnohich, jakaja jašče pracuje, dzie ja mahu kupić vadu i pradukty», — skazaŭ Reuters
Ułady susiedniaha ź Mito horada raźmiaścili ŭsich tych, chto vyžyŭ u spartzale adnoj ź miascovych škoł.
«Usie kudyści biahuć. Ziamla dryžyć, vakoł harać chaty. Ludziej prosta achapiła panika», — skazaŭ
