U Homieli, jaki abvieščany ŭ 2011 hodzie kulturnaj stalicaj Biełarusi i SND, płanujecca pravieści bolš jak 150 mierapryjemstvaŭ, u tym liku Dni kultury krain Sadružnaści.
Pra heta paviedamiŭ ministr kultury Biełarusi Pavieł Łatuška na
Pavodle słoŭ Łatuški, žycharoŭ Homiela ŭ 2011 hodzie čakajuć vystavy, kancerty, premjery filmaŭ, falkłornyja i abradavyja mierapryjemstvy, fiestyvali, a taksama madernizacyja i rekanstrukcyja pomnikaŭ historyi i kultury.
Finansavańnie budzie ažyćciaŭlacca z haradskoha, abłasnoha, respublikanskaha biudžetaŭ, a taksama z pryciahnieńniem srodkaŭ sponsaraŭ i miecenataŭ. Finansavańnie taksama abiacana z boku Miždziaržaŭnaha fondu humanitarnaha supracoŭnictva dziaržaŭ — udzielnic SND. U 2010 hodzie hety fond na praviadzieńnie 13 roznych mierapryjemstvaŭ u Biełarusi vydzieliŭ bolš jak 50 młn. rasijskich rubloŭ.
Jak zaznačyŭ ministr infarmacyi sustaršynia Savieta pa humanitarnym supracoŭnictvie dziaržaŭ — udzielnic SND Aleh Pralaskoŭski, prajekt «Homiel — kulturnaja stalica» budzie kancentravać resursy — jak materyjalnyja, hetak i čałaviečyja.
Pavieł Łatuška padkreśliŭ, što adna z metaŭ akcyi — pakazać, što hramadzianie Biełarusi niezaležna ad taho, žyvuć jany ŭ stalicy, u rajonnych ci abłasnych centrach, majuć prava atrymlivać takija ž «kulturnyja dabroty», jak i žychary Minska. Jon zaznačyŭ, što akcyja pavinna aktyvizavać kulturnaje žyćcio horada, a taksama pazicyjanavać Homiel z punktu hledžańnia kulturnaha centra dziaržavy ŭ
«Važna pazicyjanavańnie Homiela i na mižnarodnaj arenie, realizacyja hetaha prajekta daje nam takuju mahčymaść — bolš šyroka aznajomić žycharoŭ krain SND z Homielem. Dumajem, u nas źjaviacca novyja mahčymaści pašyryć mižkulturny dyjałoh, a značyć budavać dobryja adnosiny z našymi susiedziami — krainami SND», — miarkuje ministr kultury.
Jon zapeŭniŭ, što na praciahu hoda ŭ Homiel buduć nakiravany 25 kalektyvaŭ sa statusam «nacyjanalny» — teatr opiery i baleta, dziaržaŭnyja ansambli, chor imia Citoviča, projduć vystavy z fondaŭ Nacyjanalnaha mastackaha muzieja. Budzie źniaty dakumientalny film «Homiel — kulturnaja stalica Biełarusi i Sadružnaści 2011 hoda».
Uračystyja mierapryjemstvy ŭ Homieli pačalisia z adkryćcia vystavy Vitolda
