Kalehija Viarchoŭnaha suda Biełarusi pad staršynstvam namienika staršyni VS Valeryja Kalinkoviča 11 lutaha razhledzieła kasacyjnyja skarhi asudžanaha da vyšejšaj miery pakarańnia žychara Homielščyny Ihara Mialika.
14 vieraśnia 2010 hoda Mahiloŭski abłasny sud vynies Mialiku śmiarotny prysud za ździajśnieńnie sieryi zabojstvaŭ, rabaŭnictva, kradziež u składzie złačynnaj hrupoŭki, a taksama za niezakonnyja dziejańni ŭ dačynieńni da ahniastrelnaj zbroi i bojeprypasaŭ. Pa spravie taksama prachodzili zasnavalnik Biełaruskaha respublikanskaha abjadnańnia
Złačynnaja hrupoŭka zabivała hramadzianaŭ inšych krain, jakija jechali na mašynach ź niebiełaruskimi numarami tranzitam praz terytoryju Mahiloŭskaj vobłaści i spynialisia adpačyć, rabavali ich,
zabirajučy asabistyja rečy i aŭtamabili. Kiravaŭ dziejańniami zabojcaŭ Alaksandar Kozyraŭ.
Abodva asudžanyja, jak i ich «duchoŭny huru» Kozyraŭ, — žychary Homielščyny. Pieršaje vykrytaje śledstvam ichniaje złačynstva było ździejśnienaje 25 červienia 2009 hoda. Za try miesiacy razboju jany zabili čatyroch čałaviek: dvuch hramadzianaŭ Rasiei i dvuch — Małdovy.
Zasłuchaŭšy kasacyjnuju skarhu, arhumienty padsudnaha, dovady advakata i dadatkova pradstaŭlenyja razam z kasacyjnaj skarhaj dakumienty, Kalehija Viarchoŭnaha Suda pakinuła prysud suda pieršaj instancyi biaz źmienaŭ.
U Ihara Mialika zastaŭsia adziny šaniec — pamiłavańnie ad imia Alaksandra Łukašenki.
