Filip Misfelder, deputat Bundestaha ad frakcyi chryścijanskich i sacyjalnych demakrataŭ (CHDS/CHSS), miarkuje, što Jeŭrasajuz pavinien uvieści ekanamičnaje embarha suprać režymu Alaksandra Łukašenki.
— My pavinny ŭžyć macniejšy ekanamičny cisk, — skazaŭ Misfelder vydańniu «Špihiel», udakładniajučy, što na ekspart naftapraduktaŭ całkam kantralujecca łukašenkaŭcami. — Jeŭrasajuz dastatkova mocny, kab raschistać takuju sistemu, jak łukašenkaŭskaja.
Misfelder taksama ličyć, što ŭ adnosinach da Biełarusi ŭ Jeŭrasajuzie pavinien być adziny padychod.
— Kali hetaha nie ŭdasca zrabić ciapier, dyk fiłasofstvavańnie ab adzinaj jeŭrapiejskaj zamiežnaj palitycy treba spynić, — dadaŭ deputat.
Filip Misfelder u frakcyi chryścijanskich i sacyjalnych demakrataŭ adkazvaje za zamiežnuju palityku.
0
0
0
0
0
0
