Jeŭrasajuz prystupiŭ da pierahladu śpisu nieŭjaznych pradstaŭnikoŭ biełaruskaha režymu. Pa słovach inicyjatara hetaha pierahladu jeŭradeputata Marka Mihalskaha, śpis pavinien być dapoŭnieny mnohimi inšymi proźviščami:
– Ja pierakanany, što hety śpis treba pašyryć na mnohija-mnohija novyja asoby, jakija padtrymlivajuć represiŭnuju palityku ŭ Biełarusi. Dumaju, što treba ŭ śpis uklučyć dekanaŭ dy rektaraŭ vučelniaŭ, u jakich paśla 19 śniežnia, abo pry inšych nahoda, adličyli studentaŭ. Mnie viadoma, što byli taksama vypadki hierojskich pavodzin i hetyja vypadki zasłuhoŭvajuć uznaharody. Adnak tyja, chto represujuć nasielnictva Biełarusi, jaje moładź pavinny apynucca ŭ hetym śpisie dy stracić mahčymaść katacca na łyžach u jeŭrapiejskich kurortach.
Jeŭradeputat Marek Mihalski źjaŭlajecca suaŭtaram jašče adnoj inicyjatyvy: zboru kamputaraŭ albo srodkaŭ na kuplu kamputaraŭ dla Pravaabarončaha centra «Viasna» i dla inšych represavanych u Biełarusi niedziaržaŭnych arhanizacyj.
