Nazvany pieramožca fiestyvalu niezaležnaha kino Sundance

Fiestyval niezaležnaha kino Sundance, jaki prachodzić u amierykanskim štacie Juta, nazvaŭ najlepšym mastackim filmam 2010 hoda luboŭnuju historyju «Jak varjat» (Like Crazy) Drejka Doremasa.

Stužka raskazvaje pra kachańnie amierykanki i anhielca, jakija vyrašyli rasstacca, kab vyprabavać svaje pačućci. Praca 27-hadovaha režysiora ŭžo druhi raz pradstaŭlenaja ŭ śpisie najlepšych karcin fiestyvalu. U minułym hodzie jon debiutavaŭ z čornaj kamiedyjaj «Spryncoŭka» (Douchebag). Amierykaniec śćviardžaje, što zdymaje filmy z 16 hadoŭ i ŭ svajoj pracy chacieŭ raskazać pra kachańnie «da mahiły».

U dakumientalnym žanry pieršaje miesca zavajavaŭ film «Jak pamierci ŭ Arehonie» (How to Die in Oregon) Pitera Ryčardsana, jaki vyklikaŭ raniej nieadnaznačnuju reakcyju, bo pakazaŭ samahubstva žančyny, jakaja źviała rachunki z žyćciom, pryniaŭšy śmiarotnuju dozu snatvornaha.

Kinafiestyval Sundance štohod adbiraje na konkurs 200 mastackich i dakumientalnych stužak prykładna z 9 tysiač pradstaŭlenych pracaŭ. Arhanizatar kinafiestyvalu — Sundance-instytut, asnavany ŭ 1981 hodzie aktoram Robiertam Redfardam i hrupaj jahonych paplečnikaŭ dla raźvićcia niezaležnaha amierykanskaha kino.

Kinafiestyval nazvany ŭ honar syhranaha Robiertam Redfardam hieroja filma «Buč Kesidzi i Sandens Kid».

0

0

0

0

0

0

gazeta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH