Mienski haradzki sud siońnia razhledzieŭ pratest Kastryčnickaj prakuratury stalicy adnosna štrafu haradzienskamu žurnalistu Andreju Pačobutu.
Toj prysutničaŭ na sudovym pasiedžańni asabista. Jon paviedamiŭ, što prakuratura paličyła jaho pakarańnie «zanadta łahodnym». Haradzki sud pahadziŭsia z hetym i nakiravaŭ spravu na novy razhlad u Kastryčnickim rajonnym sudzie Miensku,
data budzie pryznačana dadatkova.
Andreja Pačobuta aštrafavali na 1 miljon 750 tysiač rubloŭ za toje, što byŭ na płoščy Niezaležnaści ŭ stalicy 19 śniežnia. Jon karespandent polskaj «Gazety Wyborczej», žyvie ŭ Horadni. 19 śniežnia jon vykonvaŭ svaje žurnalisckija abaviazki, ale jaho schapili i pratrymali noč u aŭtazaku. Paśla hetaha jaho zavieźli ŭ sud, ale adpuścili na volu. Adnak paźniej supracoŭniki KDB zabrali Andreja Pačobuta z domu i 13 studzienia ŭnačy dastavili ŭ stalicu na sud, jaki pakaraŭ jaho štrafam.
0
0
0
0
0
0
