Unučka kiraŭnika Biełarusi Alaksandra Łukašenki źniałasia ŭ novym rasijskim sieryjale «Hadanije pri śviečach», premjera jakoha adbudziecca dniami na Pieršym kanale.
Heta ramantyčnaja historyja Papiałuški z ekstrasensornymi zdolnaściami, jakaja pryjechała skarać Maskvu i znajšła ŭ stalicy svajo kachańnie.
Jak paviedamlaje «MK», zdymki sieryjała prachodzili ŭ stalicy Biełarusi. «Minsk nie tak našpihavany rekłamaj, jak Maskva, — kaža režysior filma Vadzim Dzierbianioŭ, — i z administracyjnaha punktu hledžańnia značna lahčejšy. My zdymali ŭ Maskvie ŭ rajonie Chamoŭniki — tam adzin bok vulicy adnosicca da adnoj upravy, druhi — da inšaj. Jak tolki artyst pierajšoŭ praz darohu i my pieranieśli tudy kamieru — tut ža padyšoŭ milicyjant».
Na hałoŭnyja roli ŭ sieryjał byli zaprošanyja nie tolki rasijskija, ale i biełaruskija aktory — Uładzimir Haściuchin, Śviatłana Kažamiakina. A
Heta ŭžo nie pieršy dośvied Viki ŭ kino — da «Hadanija pri śviečach» jana paśpieła źniacca ŭ biełaruskaj kamiedyi «Na śpinie ŭ čornaha kata».
