Na siesii Parłamienckaj asamblei Savieta Jeŭropy (PASIE), jakaja prachodzić 27 studzienia ŭ Strasburhu, pačalisia debaty pa prajekcie rezalucyi ab situacyi ŭ Biełarusi.
Jak raniej paviedamlałasia, asnoŭnaje patrabavańnie, jakoje źmiaščajecca ŭ prajekcie rezalucyi, — nieadkładnaje vyzvaleńnie ŭsich zatrymanych za ŭdzieł u demanstracyi ŭ Minsku 19 śniežnia.
U pryvatnaści, u prajekcie dakumienta PASIE ŭtrymlivajucca nastupnyja zakliki da biełaruskich uład:
— nieadkładna vyzvalić usich apazicyjnych kandydataŭ i ich prychilnikaŭ, žurnalistaŭ i pravaabaroncaŭ, zatrymanych pa palityčnych matyvach;
— spynić praśledavańnie i pahrozy apazicyjnych palitykaŭ,
— pravieści prazrystaje rasśledavańnie abraźlivych i niepraparcyjanalnych dziejańniaŭ sił achovy pravaparadku suprać demanstrantaŭ 19 śniežnia;
— spynić vyklučeńnie studentaŭ z univiersitetaŭ i zvalnieńnie ludziej ź ich pracoŭnych miescaŭ
— pierahledzieć rašeńnie ab zakryćci ofisa ABSIE ŭ Minsku i pradoŭžyć jaho mandat da 2011 hoda i dalej;
— zaviaršyć praces reformy vybarčaha zakanadaŭstva i jaho praktyčnaha prymianieńnia, uziaŭšy da ŭvahi ŭsie rekamiendacyi ABSE/BDIPČ i Jeŭrapiejskaj kamisii za demakratyju praz prava (Vieniecyjanskaja kamisija).
U prajekcie rezalucyi PASIE ŭkazana na nieabchodnaść umacoŭvać dyjałoh ź biełaruskimi demakratyčnymi siłami, svabodnymi ŚMI i pravaabaroncami.
PASIE paćviardžaje svajo rašeńnie spynić kantakty z uładami Biełarusi na vysokim uzroŭni.
PASIE taksama zaklikaje svajo kiraŭnictva nie admianiać rašeńni ab spynieńni statusu śpiecyjalnaha zaprošanaha dla parłamienta Biełarusi da toj pary, pakul jaje ŭładami nie budzie ŭviedzieny maratoryj na śmiarotnuju karu i pakul nie adbudziecca adčuvalnaha prahresu ŭ płanie demakratyčnych kaštoŭnaściaŭ i pryncypaŭ, jakija padtrymlivajucca Savietam Jeŭropy.
***
Biełaruski parłamient atrymaŭ status śpiecyjalnaha zaprošanaha ŭ PASIE ŭ 1993 hodzie, ale ŭ listapadzie