Usie dyktatary — chłusy i biaźlitasnyja da kožnaha, da kaho mohuć daciahnucca. Adzin sa znakamitych piśmieńnikaŭ bratoŭ Struhackich Barys kaža, što dźvie traciny žyćcia pražyŭ za dyktatarami roznaha ranhu, vyhladu i razradu, tamu viedaje pra ich dastatkova, kab ich nie lubić.
Rasijcy nijak nie mohuć aznajomicca z dakładam svaich naziralnikaŭ, jakija znachodzilisia ŭ Biełarusi padčas prezidenckaj pieradvybarčaj kampanii i samich vybaraŭ.
Pieršapačatkova dakład pavinien byŭ być apublikavany ŭ śniežni, adnak kiraŭnik rasijskaj naziralnaj misii Leanid Ijeŭleŭ nie paśpieŭ padrychtavacca. Prezientacyju pieranieśli na studzień, ale da hetaha času Ijeŭleŭ, pa ŭłasnym pryznańni, «usio zabyŭ».
Tym nie mienš, z vysnovami aficyjnych rasijskich naziralnikaŭ aznajomiŭsia prezident Dźmitryj Miadźviedzieŭ, jaki pavinšavaŭ Alaksandra Łukašenku ź pieramohaj na vybarach.
Naziralniki ABSIE i šerahu inšych zachodnich krain zajavili pra šmatlikija parušeńni, zafiksavanyja imi padčas hałasavańnia. Krainy Zachadu praihnaravali cyrymoniju inaŭhuracyi Alaksandra Łukašenki na čaćvierty termin, a 31 studzienia na sustrečy ministraŭ zamiežnych spravaŭ Jeŭrasajuza budzie abmiarkoŭvacca mahčymaść sankcyjaŭ u dačynieńni pradstaŭnikoŭ biełaruskaj ułady, adkaznych za parušeńnie pravoŭ čałavieka ŭ svajoj krainie i padaŭleńnie inšadumstva.
«Piatroŭskija akademiki» nazvali biełaruskuju apazicyju» «chulihanami i pahromščykami»
Temy padrychtoŭki i praviadzieńnia prezidenckich vybaraŭ u Biełarusi i mahčymych sankcyjaŭ suprać aficyjnaha Minska aktyŭna abmiarkoŭvajucca ŭ
U liście vykazvajecca tryvoha z nahody mahčymaha ŭviadzieńnia mižnarodnych sankcyj suprać režymu Łukašenki,«bo [jany] supiarečać abranamu narodami Jeŭropy demakratyčnamu kursu i demanstrujuć palityku dvajnych standartaŭ», — pierakananyja aŭtary lista. Jany ličać, što padziei viečara 19 śniežnia ŭ Minsku faktyčna byli «sprobaj dziaržaŭnaha pieravarotu, finansavanaha, pavodle šerahu krynic, arhanizacyjami krain ES. U takoj situacyi pravaachoŭnyja orhany Biełarusi vymušanyja byli spynić dziejańni chulihanaŭ i pahromščykaŭ niezaležna ad ich nacyjanalnaści».
U pasłańni taksama skazana niamała dobrych słovaŭ u adras Alaksandra Łukašenki i jahonaj palityki: «
Siarod aŭtaraŭ lista — siabry KPRF akademik Leanid Majbarada i piśmieńnik Alaksandr Varancoŭ, a taksama prafiesar Alaksandr Subieta i advakat Andrej Antonaŭ.
Cana prymireńnia — 4 miljardy dalaraŭ
Pieciarburhski piśmieńnik Mikałaj Starykaŭ u svaim błohu piša pra zbližeńnie pazicyj Rasii i Biełarusi na fonie vidavočnaj chałodnaści Zachadu da režymu Łukašenki: «Paśla razhonu „mirnych demanstrantaŭ“ u Minsku, paśla zadušeńnia sproby antykanstytucyjnaha pieravarotu (jak maksimum) i pravakavańnia masavych biesparadkaŭ (jak minimum) … u momant nahniatańnia ŭ Jeŭropie antyłukašenkaŭskaj isteryi, Rasija ćviorda abaznačyła svaju pazicyju». Sutnaść hetaj pazicyi, na dumku piśmieńnika, zaklučajecca ŭ tym, što Uładzimir Pucin paabiacaŭ Biełarusi subsidyju ŭ pamiery 4,12 młrd dalaraŭ.
Z hetaha vynikaje, što «hłybinnych supiarečnaściaŭ (pamiž rasijskim duumviratam i Łukašenkam) niama i być nie moža», a ŭsie papiarednija kanflikty (naftavyja, małočnyja i inšyja «vojny» pamiž Maskvoj i Minskam) «drobnyja ŭ paraŭnańni z zadačami pa adnaŭleńni Adzinaj krainy, jakija stajać pierad usimi patryjotami».
Mikałaj Starykaŭ u apošnija hady apublikavaŭ šerah knih, dzie jon «vykryvaje» suśvietnyja zmovy suprać Rasii, inśpiravanyja (pavodle śćviardžeńniaŭ aŭtara) jaje «histaryčnymi vorahami — anhłasaksami». Voś tolki adna charakternaja dla jaho tvoraŭ fraza: «Adolf Hitler zrabiŭsia kiraŭnikom Hiermanii dziakujučy aktyŭnaj padtrymcy Anhlii i ZŠA. Metaj hetaj kambinacyi było jašče raz nackavać niemcaŭ na ruskich».
Nahadajem taksama, što letam minułaha hoda pa rasijskim telebačańni byŭ pakazany antyłukašenkaŭski sieryjał «Chrosny Baćka», a ŭ biełaruskich hazietach publikavalisia vostryja krytyčnyja artykuły pra rasijskuju palityku naohuł i pra Uładzimira Pucina ŭ pryvatnaści.
«Rasija idzie pa šlachu Biełarusi»
Adkazam na hetyja publikacyi staŭ adkryty list da mižnarodnaj hramadskaści,padpisany, u pryvatnaści, piśmieńnikami Barysam Struhackim i Ninaj Katerli, artystam Alaksiejem Dziavotčankam,
U hetym zvarocie havorycca: «Uvieś śviet bačyŭ, jak za kraty była kinutaja bolšaść supiernikaŭ Alaksandra Łukašenki pa vybarčaj kampanii, jakija na toj momant navat jašče nie stracili status kandydataŭ… Bolš za 600 čałaviek źbili i padvierhli administracyjnamu aryštu. Pa šmatlikich viadomym nam śviedčańniach, u dačynieńni da hetych ludziej parušalisia ŭsie normy ŭtrymańnia ŭ turmie… Bolš za 30 čałaviek znachodziacca ŭ turmie KDB, i suprać ich zaviedzienyja kryminalnyja spravy, jakija praduhledžvajuć terminy źniavoleńnia ad 5 da 15 hadoŭ».
Aŭtary adkrytaha lista adznačajuć, što ciapier u dziaržaŭnych ŚMI Biełarusi, a taksama rasijskimi palitykami, što padtrymlivajuć Łukašenku, viadziecca kampanija paklopu i abraz u adras źbitych i aryštavanych ludziej. «Na pieršaj ža
Zaviaršajecca zvarot radkami: «Kali Jeŭropa i śviet nie žadajuć paŭtareńnia na postsavieckaj prastory stalinskich i nacysckich złačynstvaŭ — jany pavinny zaniać ćviorduju pazicyju ŭ dačynieńni da siońniašniaha biełaruskaha režymu. Usie razam my nie pavinnyja dapuścić, kab biełaruski narod padviarhaŭsia dyktatarskamu hvałtu».
«Ja vielmi ŭvažliva saču za padziejami i ŭ Biełarusi, i asabliva ŭ našaj krainie, — skazała Nina Katerli ŭ hutarcy z karespandentam «Hałasoŭ Amieryki». — Da taho, što adbyłosia ŭ Biełarusi, nielha być abyjakavym. I ja liču, što Rasija idzie pa šlachu «łukašenizacyi». My jašče nie abahnali režym «Baćki», takoj situacyi paśla vybaraŭ u Rasii pakul nie było, ale spravy Lebiedzieva i Chadarkoŭskaha — prykład taho, što pucinski režym biare prykład z Łukašenki «, — adznačaje jana. Nina Katerli nahadała, što navat paśla dazvolenaha mitynhu ŭ Maskvie 31 śniežnia minułaha hoda Barys Niamcoŭ byŭ schopleny milicyjantami i pasadžany na 15 sutak. «Tak što hajki ŭsio macniej zakručvajucca i ŭ Rasii», — kanstatuje jana.
Ź listom čalcoŭ Piatroŭskaj akademii piśmieńnica całkam nie zhodnaja: «My ŭsie žyviem na adnoj płaniecie. I kali parušajucca pravy čałavieka, kali ŭ dačynieńni da palityčnych apanientaŭ užyvajucca represii, kali adbyvajecca aburalnaje parušeńnie zakona, to navakolnyja krainy nie mohuć i nie pavinnyja zakryvać na heta vočy».
Alaksandr Łukašenka jak epizadyčny piersanaž antyŭtopii
Adkazvajučy na pytańni «Hałasoŭ Amieryki», piśmieńnik Barys Struhacki zaŭvažyŭ, što pračytaŭ pasłańnie ŭ abaronu Alaksandra Łukašenki «biez usialakaha zadavalnieńnia».
«Jany, u adroźnieńnie ad mianie, dyktataraŭ lubiać, šanujuć i pavažajuć, — skazaŭ jon. — Mabyć, im padabajecca adčuvać siabie chałopami ŭ surovaha haspadara,— takich ludziej niamała, och jak niamała ŭ našym śviecie takich ludziej! Ułasna, na takich i takimi ŭzvodziacca pjedestały tyranaŭ. Boh im sudździa».
Pry hetym Barys Natanavič adznačaje, što sam jon «dźvie traciny žyćcia pražyŭ za dyktatarami roznaha ranhu, vyhladu i razradu», tamu viedaje pra ich dastatkova, kab nie lubić ich. «Jany chłusy, — śćviardžaje jon. — Jany biaźlitasnyja da kožnaha, da kaho mohuć daciahnucca. Kožnym svaim učynkam jany źviartajucca da samaha nizkaha, što jość u čałavieku, — da jaho strachu, da jaho zajzdraści, da jaho chałopstva, da duchoŭnaha biaśsilla jaho i da adviečnaj jaho schilnaści padparadkoŭvacca sile. Jany — samaje kiepskaje, što naradziła čałaviectva «.
Barys Struhacki dadaje, što Łukašenka — «nie samy adpiety» siarod dyktataraŭ, adnak blizki da hetaha.
U tvorčaści bratoŭ Struhackich prykmietnaje miesca zajmaje žanr antyŭtopii. U suviazi z hetym «apošni dyktatar Jeŭropy» nahadvaje piśmieńniku epizadyčnuju postać prezidenta z ramana «Hadkije lebiedi» (jaki byŭ zabaronieny savieckaj cenzuraj i raspaŭsiudžvaŭsia ŭ samvydacie).
«Abodva jany pakul jašče nie złydni, ale nieabmiežavanaja ŭłada ŭžo nakłała na ich śpiecyfičny adbitak», — padkreśliŭ Barys Struhacki.
