Siamja Mai Abromčyk źbiraje srodki, kab apłacić pasłuhi advakataŭ. Dziaŭčyna źbirajecca dakazać, što dziejańni supracoŭnikaŭ pravaachoŭčych orhanaŭ u dačynieńni da jaje byli niepravamocnymi.
Maja Abromčyk u špitali praz dva dni paśla źbićcia. Archiŭnaje fota A.Pileckaha.
«Ciapier u mianie ŭsio dobra. Ja doma, u Hancavičach. Daktary kažuć, što patrebnaja paŭtornaja apieracyja na nazie. Miarkuju, jana budzie ŭ lutym. Pakul nieviadomaja dakładnaja data», — raskazała Maja karespandentu «Našaj Nivy».
Z univiersiteta Maja pakul nijakich papiaredžańniaŭ u suviazi z padziejami 19 śniežnia nie atrymlivała (jana źjaŭlajecca studentkaj 4 kursa histfaku BDU): «Nichto z univiersiteta mnie nie zvaniŭ, z vykładčykami ja taksama nie razmaŭlała. Aficyjna ja na balničnym».
Nahadajem, što viečaram 19 śniežnia Maja Abromčyk razam sa svaimi siabrami była žorstka źbitaja u rajonie płoščy Niezaležnaści. U akcyi pratestu jana nie ŭdzielničała, adnak heta nie spyniła śpiecnazaŭca, jaki biŭ dziaŭčynu spačatku dubinkaj, a potym nahami. Paśla źbićcia Maja nie mahła samastojna iści ŭ aŭtazak. Vyjaviłasia, što ŭ dziaŭčyny złamanaja naha.
Tym časam u vypiscy sa špitala daktary 6 Kliničnaha špitala Minska paznačyli, što Maja atrymała «bytavuju traŭmu», a skarhu na dziejańni śpiecnazaŭca dałučyli da spravy «ab masavych biesparadkach». Pa słovach maci Mai, Haliny, skarhu z rajonnaj prakuratury pieranakiravali ŭ adździeł milicyi. Baćki Mai źviartajucca da tych, chto byŭ śviedkami źbićcia dziaŭčyny i jaje siabroŭ, i chto moža paćvierdzić heta ŭ sudzie, źviazacca ź imi.
Padajem numary rachunkaŭ, na jakija možna pieraličyć srodki dla Mai:
Rachunki ŭ biełaruskich rublach: Filijał № 510 AAT «AAB Biełarusbank» h. Minsk Asabovy rachunak № 000052,
Valutnyja rachunki: Filijał № 510 AAT «AAB Biełarusbank» h. Minsk Asabovy rachunak № 000373,
