Chakiejnaje «Dynama» prajhrała treci matč zapar 1

CHK «Dynama-Minsk» paciarpieła try parazy ŭ vyjaznym turne. 26 studzienia ŭ Ryzie padapiečnyja Mareka Sikory prajhrali miascovamu «Dynama» ź likam 3:4 (0:0, 1:3, 2:1).

Zaznačym, što minčanie sastupali ŭ pačatku treciaha pieryjadu ź likam 1:4, potym zdoleła skaracić lik da minimumu, ale pieravieści hulniu ŭ oviertajm, na žal, nie ŭdałosia.

Šajby: 1:0 — Karsums (Sprukts, Ozalińš, 24.44). 1:1 — Fierncholm (Štumpieł, 27.12 — boł.). 2:1 — Surovy (M.Redlich, Chartyhan, 28.28 — boł.). 3:1 — Sprukts (Ankipans, 32.39).4:1 — Sprukts (Karsums, 47.12). 4:2 — Sikora (Hłazačaŭ, Kaściučanak, 50.25). 4:3 — Hłazačaŭ (Sikora, Kaściučonak, 56.47 — boł.).

Minskaje «Dynama» pakul uvachodzić u zonu plej-of, ale ŭ «Tarpieda» (Nižni Noŭharad), jakoje adstaje ŭsiaho na dva punkty, na try hulni mieniej.

Zachodniaja kanfierencyja: 1. Łakamatyŭ Jarasłaŭl — 96 (47), 2. Dynama Maskva — 82 (47), 3. SKA Pieciarburh — 77 (47), 4. Atłant — 75 (47), 5. Sievierstal — 72 (47), 6. Dynama Ryha — 74 (50) 7. Spartak — 73 (48), 8. Dynama Minsk — 67 (50), 9. Tarpieda — 65 (47), CSKA — 53 (47), Viciaź — 46 (47).

«Dynama» da kanca rehularnaha čempijanatu zastałosia pravieści čatyry hulni, pryčym usie čatyry projduć u Minsku.

Pieršy matč — 30 studzienia (niadziela) suprać maskoŭskaha CSKA,

potym — dvuchtydniovy pierapynak, i zaklučnyja hulni 16, 18 i 20 lutaha.

Papiarednija dva hady «Dynama» nie traplała ŭ plej-of, pryčym u minułym hodzie straciła navat tearetyčnyja šancy na Kubak Haharyna za piać turaŭ da finišu.

0

0

0

0

0

0

Aleh Hardzijenka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH