Biełaruś zaniała pieršaje miesca ŭ Jeŭropie pa ŭzroŭni inflacyi ŭ 2010 hodzie, śviedčyć infarmacyja Rasstata, padrychtavanaja na asnovie publikacyj Jeŭrastata, nacyjanalnych statystyčnych słužbaŭ i dadzienych, jakija raźmiaščajucca ŭ internecie ŭ adpaviednaści z patrabavańniami Śpiecyjalnaha standartu raspaŭsiudžańnia dadzienych MVF.
«U śniežni 2010 h. u paraŭnańni sa śniežniem 2009 h. siarod razhladanych zamiežnych krain najbolš prykmietny pryrost spažyvieckich cenaŭ naziraŭsia ŭ Biełarusi (9,9%), Ukrainie (9,1%), Rumynii (7,9%), Kazachstanie (7,8%), a ŭ paraŭnańni z papiarednim miesiacam — u Narviehii (1,3%), Hiermanii (1,2%), Biełarusi (1,0%)», — havorycca ŭ paviedamleńni Rasstata.
U Rasii spažyvieckija ceny za pieryjad z pačatku 2010 h. uzraśli na 8,8%, za śniežań — na 1,1%.
Pry hetym u siarednim pa krainach Jeŭrapiejskaha sajuza spažyvieckija košty vyraśli na 2,6% i 0,5%.
0
0
0
0
0
0
