Apieracyju ŭ Hiermanii pieranieśli na niekalki miesiacaŭ.
Naścia Navumava.
Naścia Navumava z mamaj viarnulisia z Hiermanii. Dziaŭčynku nie ŭzialisia apieryravać. Jaje daskanała abśledvali na najnoŭšych apparatach i ŭ vyniku vyśvietlili, što puchlina aktyŭnaja. Pra heta ŭ svaim błohu paviedamlaje Taćciana Sałdacienka, jakaja zajmajecca dapamohaj dzieciam z ankałahičnymi zachvorvańniami.
Apieracyja ŭskładniajecca tym, što puchlina atočanaja sasudami, jakija patrabujuć zamieny. Pakul što lekary prapanavali admysłovuju chimijaterapiju praciahłaściu ŭ try miesiacy. A ŭžo pa jaje vynikach budzie razhladacca pytańnie nieabchodnaści apieracyi.
Dziaŭčynka trapiła ŭ dziciačy ankacentr u 2007 h. paśla traŭmy nahi. Dyjahnaz — alviealarnaja rabdamijasarkoma pravaj halonki, II stadyja. Jana mužna pieraniesła 9 kursaŭ chimijaterapii, dźvie apieracyi i kurs pramianiovaj terapii. Chvaroba adstupiła da 2010 h. Dobryja ludzi sabrali hrošy na apieracyju ŭ Hiermanii ŭ klinicy mieduniviersiteta Hroschadern u Miunchienie. Pierad Novym hodam dziaŭčynka z mamaj pajechała ŭ Hiermaniju na lačeńnie. Zbor srodkaŭ na lačeńnie Naści nie spyniajecca.
