Ministerstva transpartu i kamunikacyj źviarnułasia va ŭrad z prapanovaj ab padvyšeńni taryfaŭ na prajezd u hramadzkim transparcie.
Pra heta na presavaj kanferencyi paviedamiŭ namieśnik ministra Alaksandr Šyško.
Pavodle jaho słoŭ, adpaviedny list ministerstva padrychtavała i nakiravała ŭ Saŭmin.
«Jość rezalucyja Minekanomiki i Minfinu razhledzieć jaho, kab adrehulavać hetaje pytańnie»,- adznačyŭ namieśnik ministra.
«Siońnia dla taho, kab transpartnyja pradpryjemstvy pracavali stabilna, dziejnych taryfaŭ (pa Miensku heta 700 rubloŭ, u inšych haradach 600 rubloŭ) niedastatkova. Rastuć ceny na paliva i zapčastki, našy pradpryjemstvy atrymlivajuć subsydyi ź biudžetu, ale jany nievialikija, tamu pradpryjemstvy, jakija zajmajucca sacyjalna značnymi pieravozkami, pracujuć praktyčna stratna»,- paviedamiŭ Šyško.
Pamier taryfaŭ ŭpłyvaje i na zarpłatu kiroŭcaŭ. «Na žal, idzie adtok kiroŭcaŭ, tamu što zarpłata nie pavyšajecca, a vyhadavać takoha vadziciela ciažka»,- padkreśliŭ Šyško.
«My budziem prasić ŭrad, kab taryf na prajezd ros, ale nie skačkapadobna, a ŭ zaležnaści ad padvyšeńnia zarabotnaj płaty ŭ krainie»,- skazaŭ pradstaŭnik Mintransa.