Hienadź Ziuhanaŭ zaniepakoiŭsia pra los aryštavanych paśla padziej 19 śniežnia ŭ Minsku. Lidar KPRF maje namier prasić prezidenta Biełarusi Alaksandra Łukašenku ich pamiłavać. Miarkujučy pa ŭsim, biełaruskija ŭłady rychtujuć «efiektny žest».
Ziuhanaŭ raskazaŭ, što z zaklikam ab vyzvaleńni jon maje namier źviarnucca da biełaruskaha kiraŭnika paśla inaŭhuracyi 21 studzienia, na jakuju zaprošany.
— Paśla hetaha ŭračystaha mierapryjemstva ja źbirajusia aficyjna źviarnucca da Alaksandra Ryhoraviča z zaklikam prajavić vialikadušnaść i humannaść da tych, chto, mahčyma, parušyŭ zakon, bo takoje prava ŭ prezidenta jość, — cytuje słovy Hienadzia Ziuhanava interfax.by.
Hetaja zajava vyhladaje prynamsi dziŭnaj. Jak viadoma, raniej lidar rasijskich kamunistaŭ nie byŭ zaŭvažany ŭ takich aktach prajavy humanizmu. Dyk što ž zdaryłasia ciapier?
Varta zaŭvažyć, što,
zaklikajučy Łukašenku da prajavy humanizmu, Ziuhanaŭ pry hetym ni na siekundu nie sumniajecca, što dziejničała biełaruskaja ŭłada całkam zakonna i adekvatna.
— Ja absalutna ŭpeŭnieny, što zakonnaja ŭłada pravilna zrabiła ŭ dačynieńni da tych, chto biasčynstvavaŭ i raźbivaŭ fasad Doma ŭrada ŭ centry Minska, — adznačaje jon, pry hetym vinavaciačy ŭ padziejach vonkavyja siły. — Scenar hetych biasčynstvaŭ byŭ toj ža, što ŭ svoj čas byŭ užyty ŭ Juhasłavii, a paźniej — u Hruzii i Małdovie. Adnak hetym razam hety scenar nie spracavaŭ, bo ŭłada dziejničała chutka i pravilna.
Heta značyć, pa sutnaści Ziuhanaŭ całkam padtrymlivaje viersiju ŭładaŭ, jakaja tak aktyŭna naviazvajecca biełaruskaj i suśvietnaj supolnaści.
Pryčyny takich pavodzinaŭ lidara KPRF možna traktavać
U vyniku atrymajecca, što palitviaźniaŭ vypuściać vyklučna pa prośbie «pavažanych ludziej», i sprava tut zusim nie ŭ sankcyjach.
Inakš z čaho b Hienadziu Ziuhanavu tak pieražyvać za losy ludziej, jakija, pa jaho ž słovach, tak biasčynstvavali kala Doma ŭrada? Da taho ž lidar KPRF zaŭsiody biezumoŭna i zaŭziata padtrymlivaŭ lubyja dziejańni biełaruskaha kiraŭnictva, i dumajecca, naŭrad ci vystupiŭ by z takoj inicyjatyvaj biez papiaredniaha ŭzhadnieńnia.
Niezdarma ž jon adznačyŭ, što nie prymaje krytyčnych zaŭvahaŭ, jakija vykazvajuć u adras novaabranaha prezidenta Biełarusi mnohija pradstaŭniki Jeŭrasajuza i Rady Jeŭropy.
— Ja ździŭleny toj pieraduziataściu, jakuju vykazvajuć i da Rasii, i da Biełarusi mnohija pradstaŭniki Rady Jeŭropy i Jeŭrasajuza, biescyrymonna ŭmiešvajučysia va ŭnutranyja spravy dziaržavaŭ. Tam u ich dziejničajuć dvajnyja standarty. Ja ŭ hetym absalutna pierakanany, — zajaviŭ Ziuhanaŭ, niby cytujučy Łukašenku.
Ci apraŭdajucca našy zdahadki i ci ŭbačym my hety «efiektny žest» z vyzvaleńniem palitviaźniaŭ, stanie zrazumieła vielmi chutka.
